Nehemaea 8:9 - Buka Blahi Ka Cheke Holo

⁹ Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Nehemaea 8:9 Iomraidhean Croise

Fapea Kings 22:11

Kate nomhidi king cheke te au ka Buka Vetula na igre, mana diꞌanagnafa gna ne rerheku nogna pohe na.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Fapea Kronikols 15:3

Lord na noda God tahati maeda Israel. Mana ngala te God tutuani na, nu kuꞌeda tahati ra la raugha te theome tarai ka mana na. Mare theo mae pris te mala farirhiudi re, eghuteuna mare jaola theome lasedi nogna vetula God re.

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Fapea Kronikols 34:19

Eghuteuna kate nomhidi king cheke te au ka buka na igre, mana ne diꞌanagnafagna fara ne rerheku nogna pohe na.

Fapea Kronikols 34:21

“Iara nei naiknodi Juda, nei keha naikno te au nga teu Israel igre eghu mala kafe laseni unha te magnahagheni Lord te mala eni ghehati na. Eghume ghotilo tei hironi gaoghathogna Lord eidi cheke te au ka buka teke filoni pris biꞌo igne. Lord na diꞌatagna fara ka tahati, naugna kuꞌeda tahati tifara neke theome leghuni chekegna Lord na nei theome edi unha mala edi tahati teku te chekedi ka buka na igre.”

Fapea Kronikols 35:3

Keha mae Livaet mare farirhiu nogna Vetula Lord na ka naiknodi Israel. Aonu mae Josia ne kilo meidi hatimare mae Livaet teke fablahidi thedi malagna Lord. Aonu mana ne cheke eghu ka mare, “Lilisei Bokis Blahi na ke lamnagna Sugablahi teke horo King Solomon thugna King Devet king gna Israel. Ke leghu na, ghotilo thosei ke pala ka faframi ghotilo are. Ghotilo edi kolho nogna gloku Lord nomi God, eghuteuna ghotilo mala loku ranghidi naiknodi Israel.

Esra 2:63

Eghuteuna mae gavana gna provins na jaola ne theome snakredi mare te ghamu ka Sugablahi na u gano blahi igne, ghilei thoke ka narane kaisei mae pris te hata Urim ghe Tumim, mae pris gre tangomana te hironi gaoghathogna God na ka phei glepo igre.

Esra 7:11

Igne letas teke tusu lao King Atasekses ka Esra na, eigna mae Esra gne kaisei mae pris nei kaisei mae velepuhi eghu, eghuteuna mana thofno lase fakelidi vetula nei cheke teu teke tusu lao Lord ka naiknodi Israel igre. Letas igne neke cheke eghu:

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.

Nehemaea 12:26

Mae igre neke loku kani teke mae pris biꞌo teku mae Joeakim thugna mae Jesua, gragna mae Josadak, nei ka narane teke gavana mae Nehemaea, nei ka narane gna Pris Esra, mae ihei teke velepuhigna nogna Vetula God.

Nehemaea 7:65

Eghuteuna gavana gna provins na jaola theome snakredi mare te ghamu gano blahi ka Sugablahi na, ghilei thokeni narane kaisei mae pris te tangomana te hata phei glepo Urim nei Tumim, mala laseni gaoghathogna God na.

Nehemaea 7:70

Keha ka phaꞌu maedi vike igre mare tufa sileni nei keha glepo mala toghoni nodi gloku mare igne. Gavana falao nhanai nei vido kilo gol, eghuteuna glimafulu dis mala tofa lao dadara mala fafara, nei glima gobi tolufulu pohe maladi mae pris.

Nehemaea 8:2

Aonu ka narane ululahu ka nhigra igne, mae Esra hata ne mei buka igne, eghuteuna mana kegra haghe ke uludi mae nalhaꞌu, nei goro gaꞌase, nei goro sua iheire te tangomana te laseni unha te iuꞌijuni mana na.

Eklesiasti 3:4

Narane mala tanhi nei narane mala glealeꞌa. Narane mala diꞌanagnafa nei narane mala ragi.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Levitikas 23:24

“Cheke ka naiknodi Israel, leuleghu finogha, ka fafitu nhigra ka narane ulu lahu gna nhigra tuana, ghotilo mala tathaji kaisei narane mala thofno gnafa kolho. Kate nomhini ghotilo naogla gna trampet te taitanhi fabiꞌo na, igne fagaglana gna narane biꞌo na, ghotilo te gnafa na mala kafe mei mala kilo fnakno ghau iara.

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Letas Teke Riso Tei Mae Pol Ka Khiloau Rom 3:20

Theo kaisei naikno te doglo ka tathagna God na, jame te leghuni kolho mana vetula na. Naugna vetula na mala falalase kolho nakhibodare.

Letas Teke Riso Tei Mae Pol Ka Khiloau Rom 7:9

Tifa na, neubane theome laseni iara vetula na, nakarhagu iara na neke keli fara, naugna iara theome laseni nakhibo na. Nu kate funu laseni iara nogna vetula God na, iara neke filo glani u nakhibo na ke lamnagu iara na heta fara.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Diutronomi 26:14

Iara theome eni kaisei glepo te mala goigonidi gano blahi igre. Kate tanhi ni mae te lehe na, iara theome ghamuni katha vidogna. Eghuteuna kate thona iara ka tathamu iagho na, iara theome haboni. Eghuteuna iara theome hata kaisei vidogna mala tusu lao jateula kaisei fafara eghu ka ihei te lehe. Lord God, iara faꞌuve nighohi, eghuteuna iara leghudi gobigna lepo te chekedi iagho ka iara ra.

Jemes 4:9

Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.