Nehemaea 8:7 - Buka Blahi Ka Cheke Holo

⁷ Kate kegra teu naiknore ka glalaba igne, mae Livaet nanghadire mae Jesua, nei mae Bani, nei mae Serabaea, nei mae Jamin, nei mae Akub, nei mae Sabetae, nei mae Hodaea, nei mae Masea, nei mae Kelita, nei mae Asaraea, nei mae Josabad, nei mae Hanan, nei mae Pelaea, mae igre toghodi naiknore mala laseni Vetula igne.

Nehemaea 8:7 Iomraidhean Croise

Ululahu Kings 8:14

Kate kegra teu naiknodi Israel ka vido tuana, king figri mei ne fablahidi naiknore.

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Fapea Kronikols 35:3

Keha mae Livaet mare farirhiu nogna Vetula Lord na ka naiknodi Israel. Aonu mae Josia ne kilo meidi hatimare mae Livaet teke fablahidi thedi malagna Lord. Aonu mana ne cheke eghu ka mare, “Lilisei Bokis Blahi na ke lamnagna Sugablahi teke horo King Solomon thugna King Devet king gna Israel. Ke leghu na, ghotilo thosei ke pala ka faframi ghotilo are. Ghotilo edi kolho nogna gloku Lord nomi God, eghuteuna ghotilo mala loku ranghidi naiknodi Israel.

Esra 8:18

Naugna noda God tahati gne mana fablahi ghami ghehati fara, aonu mare kuru meini kaisei mae Livaet, nanghagna na mae Serebaea, kaisei mae ka vikegna mae Mali. Mana kaisei mae lase loku fara, eghuteuna thugna nei kheragna teu mana igre nabotho nhana mae khaputudi re, mare ne kafe mei balugna mae Serebaea.

Nehemaea 10:18

nei mae Hodaea, nei mae Hasum, nei mae Besae,

Nehemaea 10:2

Mae pris te mei rioriso nanghadire igre: mae Seraea, nei mae Asaraea, nei mae Jeremaea, nei mae Pasuru, nei mae Amaraea, nei mae Malkaeja, nei mae Hatus, nei mae Sebanaea, nei mae Maluk, nei mae Harim, nei mae Maremot, nei mae Obadaea, nei mae Daniel, nei mae Gineton, nei mae Baruk, nei mae Mesulam, nei mae Abaeja, nei mae Mijamin, nei mae Masaea, nei mae Bilgae, nei mae Semaea.

Nehemaea 11:16

Mae Sabetae ghe mae Josabad, phia mae igre nodi lida hatimare mae Livaet mala fiofilodi gloku ke kosigna nogna Sugablahi God.

Nehemaea 11:19

Hatimare mae Livaet te reireghi grengatha gna Sugablahi na: Mae Akub ghe mae Talmon baludi hatimare mae thabusigna igre, khaputudi re thokeni kaisei gobi fitusalei phei.

Nehemaea 12:33

Mae Asaraea, mae Esra, mae Mesulam, mae Juda, mae Benjamin, mae Semaea, nei mae Jeremaea, mare jaola ne tei ka tothoghei igne.

Nehemaea 3:17

Hatimare mae Livaet ne loku ka keha vidogna gringni thina igne, eghuteuna mae Rehum thugna mae Bani, mae ihei te nodi mae funei gloku mare na. Mae Hasabaea, mae ihei te mae biꞌo ka kaisei vido ka nohi Keila, mana loku keha vidogna gringni thina igne maladi naiknogna nohi igne.

Nehemaea 3:19

Mae Esa thugna mae Jesua, mae ihei te mae biꞌo ka namono Mispa, mana loku kaisei vidogna. Mana fufunu rhegna lada te haghe ka chogho te mala liliseidi glepo mala magra re, tei posa ka sulukhugna gringni thina igne.

Nehemaea 3:23

Ke leghudi mae igre, Benjamin ghe mae Hasub, phiamare loku ke uludi nodi sugare keha vidogna gringni thina igne. Mae Asaraea thugna mae Masea, gragna mae Ananaea, mana loku rhegna nogna suga na keha vidogna gringni thina igne.

Nehemaea 8:12

Aonu naiknore ne kafe tei ka namono balu glealeꞌa, mare ghamu nei koꞌu nei tufa keha ka iheire te theome naba ghedi gano. Mare kelitadi fara naugna mare lase fakelidi cheke te iuꞌiju mae Esra ka mare igre.

Nehemaea 8:4

Eghuteuna mae Esra ne kegra ka sape teke horo mare malagna narane igne teku na. Eghuteuna mae te kegra fei nhetagna mana re, mae Matitaea, nei mae Sema, nei mae Anaea, nei mae Iuraea, nei mae Hilkaea, nei mae Masea. Eghuteuna mae te kegra fei mairi gna manare, mae Pedaea, nei mae Misael, nei mae Malkaeja, nei mae Hasum, nei mae Hasbadana, nei mae Sekaraea, nei mae Mesulam.

Nehemaea 8:6

Mae Esra ne eha eghu fabiꞌo, “Tahati cheke fakelini Lord, God te fnakno kligna lahu!” Eghuteuna naiknore ne ngafa haghe khamedire ne eha eghu fabiꞌo, “Amen! Amen!” Aonu naiknore pogho soru pari ne thoke ka glose ro ne kilo fnaknoni Lord.

Nehemaea 8:8

Mare ne iuꞌiju nogna Vetula God igne, aonu mare ne ruarutha ka nodi cheke thedi mala lase fakelidi mare cheke igre.

Nehemaea 9:3

Kate kegra teu ka vido igne, mare iuꞌiju ka buka nogna Vetula nodi Lord God na nabagna thilo aoa, aonu mare cheke thakledi nakhibodi re eghuteuna tarai ka nodi Lord God keha thilo aoa re.

Nehemaea 9:4

Hatimare mae Livaet ne kegra haghe ka lada na ne eha fabiꞌo ka nodi Lord God. Nanghadi mae igre, mae Jesua, nei mae Bani, nei mae Kadmiel, nei mae Sebanaea, nei mae Buni, nei mae Serabaea, nei keha mae Bani, nei mae Kenani.

Levitikas 10:11

Eghuteuna vetula teke tusu lao iara ka mae Moses ra, ghotilo mala farirhiudi naiknodi Israel.”

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Diutronomi 33:10

Ghotilo vikegna Livae ra tangomana te farirhiudi vikegna mae Jekop igre ka nogna vetula Lord. Ghotilo tangomana te toghodi naiknodi Israel igre te iuꞌijudi nogna vetula manare. Ghotilo gahu insens mala cheke fakelini Lord, ghotilo tangomana te gahu fafara ka nogna olta mana na.