Nehemaea 8:10 - Buka Blahi Ka Cheke Holo

¹⁰ Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Nehemaea 8:10 Iomraidhean Croise

Ululahu Kings 8:66

Aonu ka keha narane na, king neke kuru fapulodi ka nodi namonore. Naiknore ne filo glanini Lord teke keli fara ranghini nogna mae gloku King Devet tifa ia, nei jaola keli ranghidi mare. Mare cheke gleale'a ka King Solomon neke pulo ka namono, nei kelitadi fara ka unha te edi Lord ka mare igre.

Ululahu Kronikols 16:27

Naikno te gnafare laseni te au nolaghi nei King teu mana na. Uve, gobigna lepo te au ka nogna Sugablahi mana na, fagaglana gna te heta fara nogna nolaghi mana na eghuteuna naiknore thofno kelitadi fara.

Nehemaea 8:11

Aonu mae Livaet gre ne farerheta gaoghathodi naiknore ne cheke eghu ranghidi, “Ghotilo megeu naugna gognarogne narane blahi, eghume ghotilo thosei diꞌanagnafa nei tanhi eghu.”

Nehemaea 8:12

Aonu naiknore ne kafe tei ka namono balu glealeꞌa, mare ghamu nei koꞌu nei tufa keha ka iheire te theome naba ghedi gano. Mare kelitadi fara naugna mare lase fakelidi cheke te iuꞌiju mae Esra ka mare igre.

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.

Nogna Buka Esta 9:22

Eigna ka narane igne hatimare mae Jiu neke bruedi nodi naokare. Eghuteuna jaola ka nhigra igne, nodi naꞌau papara nei diꞌanagnafa teku mae Jiu igre neke tughu ka pharikeli. Mae Modikae ne cheke ranghidi naiknore mala ei gaghamu biꞌo, nei gleale'a eghu ka phei narane igre. Eghuteuna mare mala tufa gano, ba glepo ka kheradi thofno ba ka iheire te au kokhonidi.

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Nodi Khoje Hatimare Mae Jiu 89:17

Iaghou ngala te togho ghami ghehati te tapla sorudi nomi naoka kau magra na. Uve, iagho neke togho ghami ghehati mala uluni ghehati magra na, naugna iagho ne namha ghami ghehati fara.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Eklesiasti 11:2

Eghume, iagho mala lilisei nou silenire ka fitui ba nhanai bisnis, naugna iagho theome laseni unha nafnata hoholo biꞌo nate thoke mei ka nauthoglu igne.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Eklesiasti 3:13

Doglou kolho te mala ima nei koꞌu nei glealeꞌa teu tahati na, naugna God neke tusu ranghi ghita puhi igne mala glealeꞌa na.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Profet Isaia 49:5

“Tifa, kani theome karha teku iara na, Lord neke vahi ghauhi iara mala nogna mae gloku mana, mala ke atha fafigri iara naiknodi Israel teke au tafri ka keha vidoi. Naugna igne, mana fafnaknoni nanghagu iara na, eghuteuna tusu mei nolaghi ka iara,

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Joel 2:23

Ghotilo naiknomi ka namono Saion! Ghotilo gleale'a ka unha teke edi iara nomi Lord nei nomi God, iara eni igne mala togho ghami ghotilo. Ka narane te joꞌu ghotilo na, iara na snakre mei nakhete mala karha gano te joꞌu ghotilo ka nagare ra, jateula teke eni iara ka ghotilo tifa ia eghu.

Profet Sekaraea 14:21

Eghuteuna nodi suspen te gnafa naiknodi Jerusalem nei nodi keha naiknodi Juda, ginauna blahi malagna Lord. Naiknore ginauna hata suspen mala kuki nafnahi blahi mala fafara. Eghuteuna ka narane tuana, mae bisnis ginauna nake theome tangomana teke eni bisnis lamna ka nogna Sugablahi Lord mae ihei te au nolaghi fateote'o.

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Fapea Korin 8:2

Kmana puhi biꞌo fara te fariuriudihi mare na, eghuteuna mare kuma fara. Nu neuba ngau, mare neke gleale'a fara te toghodi keha naiknore.

Filipae 3:4

Eghume neubane leghu fakelidi koba iara kastom igre, iara theome fatutuanidi glepo igre nate fakarha ghau iara na. Jame kaisei mae cheke eghu, “Iara fatutuanidi kolho glepo fei thini gre.” Nu te chekeni iara ka ghotilo na, iara mae ao nga jame te uluni nogna fatutuani mana ka glepo igre.

Thakle 11:10

Naiknogna nauthoglu igne ginauna gleale'a fara kate nomhini tela lehehi phei mae profet igre na. Aonu naiknore ginauna eꞌei gaghamu nei tufa namha fari thedi. Naugna phei mae profet igre neke paradi fara kmana naikno ka nauthoglu igne.

Ululahu Samuel 25:8

Jame te ghusna iagho ka mare na, mare tangomana te cheke ka iagho na. Eghuteuna gognarona, ghehati mei ka iagho ka narane gaghamu igne. Eghume mae Devet tore nigho iagho mala keli ranghi ghami nei taji ghami eghu. Mae Devet na jateula thumu eghu iagho, eghuteuna ghehati jateula nou mae gloku eghu iagho. Ghehati jame keli tami fara jame te togho ghami iagho ka unha te tangomana nigho iagho na.’ ”