Nehemaea 7:6 - Buka Blahi Ka Cheke Holo

⁶ Igne unha teke eni ka narane tuare. Kmana finogha tifa King Nebukadnesa neke hata kmana naiknodi Israel neke tei sosolo Babilonia. Ke leghu, kmana naikno jifla Babilonia neke pulo mei neke au Jerusalem nei ka keha agne Juda. Eghuteuna mare tei ka namonodi kuꞌedi ra.

Nehemaea 7:6 Iomraidhean Croise

Fapea Kings 25:11

Eghuteuna mae Nebusaradan ne hata naikno teke au faleghu teku ka namono igne, nei iheire teke rikha mala tei loku fodu baludi maedi Babilonia ke kosi, aonu mana kafe hata naikno igre ne tei au Babilonia.

Esra 5:8

“King, ghehati magnahaghei te cheke arini ka iagho, eigna ghehati neke tei sighoni nohi gna Juda, eghuteuna ghehati filoni naiknore la eni kaisei nogna Sugablahi majaghani God te nolaghi fara. Mare horo Suga igne ka thina biꞌo teke tei kato mare re, eghuteuna mare lilisei thaba biꞌo lamna ka gringnigna na. Mae igre loku heta fara mala doglo fakeli gobi lepogna Sugablahi igne, eghuteuna gloku igne la thofno keli fara.

Esra 6:2

Mare ne theome filoni Babilonia, nu mare ne filoni rekod buka igne ka namono Ekbatana ka provins Media aheva te bara te lithui mare ka thina. Nu buka igne cheke eghu,

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Nehemaea 7:7

Nanghadi iheire teke batudi mare teke pulo mei Jerusalem re igre: Mae Serababel, nei mae Jesua, nei mae Nehemaea, nei mae Asaraea, nei mae Ramaea, nei mae Nahamani, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Eghuteuna naikno ka vikegna Israel teke pulo meire igre: