Nehemaea 7:4 - Buka Blahi Ka Cheke Holo

⁴ Jerusalem gne kaisei namono biꞌo, nu gognarona theome kmana naikno te au tagna na, eghuteuna mare jaola theome babana fapulo kmana suga ngau.

Nehemaea 7:4 Iomraidhean Croise

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Nehemaea 11:2

Keha naiknore magnahaghei te tei au Jerusalem, eghuteuna naiknodi Israel igre ne cheke fakelidi mae igre.

Nehemaea 7:3

Eghuteuna iara ne cheke eghu ka phiamare, “Grengatha te gnafa Jerusalem igre hamerane na thosei tothora ghilei aublatha. Eghuteuna kate gnafa loku fei grafi na mae greireghi gre mala bobotho grengathare, eghuteuna bibilakhi famaku ka aean te brahu ame jifla nga eghu. Ghopa vavahi keha mae te au ka namono Jerusalem mala reireghi, kehare ginauna kegra ka keha vido te ulu fara, eghuteuna kehare mala kegra ke uludi nodi suga thedire.”

Nehemaea 7:5

Naugna igne God neke tusu mei kaisei gaoghatho ka iara mala kilo meidi mae biꞌo baludi mae iheire te baubatu, nei keha naikno langau eghu mala rioriso nanghadire ka buka. Kate magnahaghei eni iara igne, iara ne filoni kaisei buka te au nanghadi tothoghei ulu lahu te jifla Babilonia teke pulo mei Juda. Igne unha te filoni iara te rioriso ka buka igne na:

Profet Isaia 58:12

Nomi namono biꞌo ghotilo teke diꞌahi ra, naiknore ginauna nake hohoro ka vido teke au suga tifa ra. Eghuteuna keha naiknore ginauna laseni teke hohoro fapulo ghotilo suga nei nabrou eghu teke diꞌahi igre.”

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.