Nehemaea 6:9 - Buka Blahi Ka Cheke Holo

⁹ Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”

Nehemaea 6:9 Iomraidhean Croise

Fapea Kronikols 15:7

Nu ghotilo mala au heta, eghuteuna gaoghathomi ghotilo re mala thosei glaꞌe soru. Iara ginauna tusu ari glepo te keli ka ghotilo eidi gloku te keli teke edi ghotilo ra.”

Fapea Kronikols 32:18

Eghuteuna mae biꞌodi Asiria igre ne eha fabiꞌo eidi glepo igre ka cheke Hibru. Mare eni igne mala mhaghu nei bobolo nodi fara eghu naiknodi Jerusalem kate bara te lithui ka thina igne. Ka gaoghathodi mare na, puhi igne nate tangomana mare nate uluni namono biꞌo igne.

Esra 1:6

Keha naikno te au rhedi mare ka namono tuare na toghodi mare. Mare na falao glepo teke horo ka silva nei gol, nei glepo te nabadi mare ka nabrou, nei dongki te mala luja nodi glepo mare igre, nei jaola keha glepo te keli baludi gano leghuni unha te magnahagheni mare.

Nehemaea 6:14

Aonu iara ne tarai, “God, ghathodi unha te edi ranghi ghau iara mae Tobaea ghe mae Sanbalat igre. Eghuteuna iagho jaola ghathoni gaꞌase profet Noadaea baludi keha profet teke fariuriu famamhaghu ghau iara ra.”

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Nodi Khoje Hatimare Mae Jiu 56:3

God, kaisei iagho ngala te au nolaghi biꞌo na. Kate mhaghu na, iara lisa ari ka iagho gaoghathogure.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Nodi Khoje Hatimare Mae Jiu 71:1

Lord God, iagho mei ka iara mala batu ghau iara. Thosei snakredi mae naoka gre mala tapla soru ghau iara.

Profet Isaia 40:29

Mana tusu lao narheta ka iheire te babaꞌo. Eghuteuna tusu lao nolaghi ka iheire te nigra.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Profet Esikiel 30:24

Aonu iara ginauna eni khamegna king gna Babilonia igne mala rheta eghuteuna nhaꞌa lao nogu naflahi mala magra na ka khamegna mana. Nu iara ginauna lolhopa phei khamegna king gna Ijep, eghuteuna mana ginauna kabru ghegna fara tanhi fabiꞌo jateula mae ihei te fnera te namo lehe ra eghu.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Hibru 12:12

Thosei babaꞌo te leghuni u thofno nakarha te keli na! Te theome nheta khamemire nei nigra ghahemire teuna ke farerheta fapulo!

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.