Nehemaea 6:7 - Buka Blahi Ka Cheke Holo

⁷ Eghuteuna iagho la vavahi keha mae profet mala toutonu Jerusalem eimu iagho te king gna Juda iagho gognarona. Jau king gna Pesia na la nomhinihi eigna igne, eghume iara gaoghathogu na te keli na iagho mei filo ghau iara mala chekedi tapa glepo igre.”

Nehemaea 6:7 Iomraidhean Croise

Ululahu Kings 1:18

Jau iagho theome laseni, Adonaeja gognarona kiloni thegna king.

Ululahu Kings 1:25

Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Ululahu Kings 1:7

Mana ne roghe baludi komanda Joab thugna Seruia ghe mae pris Abiata. Aonu phei mae igre ne kaisei gaoghatho balugna mana ne toghoni mana ka gaoghatho igne.

Nehemaea 6:6

Cheke ka letas igne ne cheke eghu, “Naikno ka kantri te au faligoho ghita igre la nomhidihi keha nonomho, eghuteuna mae Gesem jaola chekeni igne. Te nomhini mare na ghotilo roghe poru mala magra ka king, naugna tuana teke babana fapulo ghotilo gringni thina igne. Nonomho igne jaola chekeni te iagho magnahaghei te nodi king mare.

Nehemaea 6:8

Iara neke fatei nogu cheke tughu na ka mana. Iara ne cheke eghu, “Cheke te edi iagho igre theome tutuani! Iagho edi haghe kolho thoutonu te chaichaghi igre ka gaoghathomu themu!”

Mae Khuru 23:15

Eghume igne unha te magnahagheni ghehati te mala eni ghotilo na: Fatei kaisei nonomho ka mae funei biꞌodi mae armi ra mala hata meini mae Pol ka ghotilo. Cheke ka mana ghotilo magnahaghei te famane ghusnani mae Pol keha glepo eigna mana. Ghehati na ofou mala faleheni kate mei mana agne na.”