Nehemaea 5:7 - Buka Blahi Ka Cheke Holo

⁷ hironi kaisei nabrou te mala fadoglini puhi biꞌo igne, aonu iara ne cheke faheta eghu ka mae biꞌo nei mae mala baubatu teu igre, “Ghotilo paradi fara kherami themire ka puhi te hata ghotilo nodi nagare nei thudi teu are!” Aonu iara ne kilo meidi mae igre mala mei ka kaisei faidu biꞌo mala fadoglini puhi biꞌo igne.

Nehemaea 5:7 Iomraidhean Croise

Nodi Khoje Hatimare Mae Jiu 109:11

Jame te keli na naikno teke kaoni sileni mana tadire mei atha fateo gobigna lepo teke khotodi mana re. Jame te keli na hatimare mae phosa re mei blau fateo gobigna lepo teke loku eidi mana re.

Nodi Khoje Hatimare Mae Jiu 15:1

God, ihei gne te nabagna te mala ruma ka sugamu iagho na? Ihei gne te nabagna te mala tufru soru nigho Saion ka nou thogele te blahi na?

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Nodi Khoje Hatimare Mae Jiu 94:16

God ngala te togho ghau iara na, nei kaisei phile ka iara mala magridi naikno te diꞌare teuna.

Eksodas 22:24

Tutuani fara, iara ginau na thono diꞌatagu fara ka ghotilo eghuteuna iara na chekedi mae naokare mala mei falehe ghami ghotilo mala lehe kokodi ghotilo khetomi nei thumi teu are.

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Proveb 27:5

Puhi te cheke thakleni iagho nakhibo gna naikno na, thofno keli fara salaꞌuni te namhani iagho na, nu theome chekeni ne namhani mana teuna.

Proveb 28:4

Iheire te huhughuni vetula na cheke fahaehagheni mae te diꞌa na, nu iheire te kelitadi ka vetula na, mare tirodini mae te diꞌa na.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Profet Esikiel 45:9

Lord God ne cheke eghu, “Iara Lord God te chekeni igne: Ghotilo mae iheire te funei fruni Israel ra, raugha fara te tapla jafra ghotilo ka nakhibo na. Nabahi! Ghotilo lilisei puhi te paradi, nei goigonidi teu ghotilo naiknore igne. Ghotilo mala edi kolho unha puhi te keli nei doglo. Ghotilo thosei huhurudi nogu naikno iara gre mala jifla ka nodi namonore. Igne nogu cheke iara Lord God.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Levitikas 25:36

Eghuteuna ghotilo mala thosei chekeni mae te kuma igne mala foli intres ka kaisei kaoni teke tusu lao ghotilo ka mana. Ghotilo mala ghatho tahuni Lord, eghuteuna ghotilo mala keli ranghidi naikno te kuma te au balumi ghotilo are.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Galesia 2:11

Nu kate mei mae Pita Antiok na, iara ne thofno cheke fara ka mana, naugna unha te eni mana na thono jafra fara.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.