Nehemaea 5:11 - Buka Blahi Ka Cheke Holo

¹¹ Thobi nei nagare grep, nei nagare oliv, nei suga eghu teke hata ghotilo ka mare ra, gognarona ghotilo ke tusu fapulo ka mare. Eghuteuna ghotilo jaola ke tusu fapulo sileni teke hata ghotilo ra balu intres, neuba ghotilo ne hata sileni ba gano, ba waen, ba oliv oel.”

Nehemaea 5:11 Iomraidhean Croise

Fapea Samuel 12:6

Glepo te eni mana igne thono diꞌa fara, naugna mana ne theome kokhoni ni mae te kuma igne. Mana ginauna tusu lao fati sipu ka mae te kuma igne ke tughugna nogna sipu teke hata mana tuana.”

Nehemaea 5:10

Iara baludi mae kheragu nei nogu mae gloku teu gre, ghehati jaola ne tufa sileni nei gano eghu ka naiknore, eghuteuna thogheiro naiknore nake foli fapulo glepo igre. Nu ghotilo thosei ke hata nodi nagare nei thudi teu naiknore!

Nehemaea 5:12

Mae mala baubatu igre ne cheke eghu, “Ghehati ginauna thofno leghudi unha te chekedi iagho are. Gobigna lepo te chekedi iagho igre, ghehati ginauna nake tusu fapulo ka mare, eghuteuna ghehati ginauna thosei ke edi glepo igre.” Eghuteuna iara ne kilodi mae pris mala nhaꞌa cheke mae mala baubatu igre ke uludi mare.

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Luku 3:8

Koko si ghotilo puhimi te diꞌare mala jateula sisi te keli eghu ka nakarhami are fagaglana gna u nakarha majaghani na. Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te hohoro vikegna mae Ebraham ka thina te filodi ghotilo igre!

Diutronomi 6:11

Eghuteuna glose igne au suga te fodu ka glepo te keli teke theome lilisei ghotilo, seu teke theome dokha ghotilo, nei nagare grep, nei nagare oliv eghu teke theome joꞌu ghotilo. Eghume kate ghamu te boho ghotilo ka gano igre,

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”