Nehemaea 4:9 - Buka Blahi Ka Cheke Holo

⁹ Nu ghehati tarai ka nomi God, nei lilisei mae sekiuriti mala reireghi fakelini namonomi igne ka bongi nei ka narane, mala tangomana ghehati te tarabana fakeli kate mei mare na.

Nehemaea 4:9 Iomraidhean Croise

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Nehemaea 4:10

Kate tudu teu gloku na, gaoghathodi mae Jiu igre ne funu glaꞌe soru, aonu mare ne koje kaisei khoje balu tanhi ne cheke eghu, “Gloku te eni tahati igne tahu fara, eghuteuna nhubrada re la salha. Chara thina gre jaola kmana fara, gognarona tahati theome naba te loku fahui gringni thina igne.”

Nehemaea 4:11

Eghuteuna noda naoka tahati igre cheke eghu ka gaoghathodire, “Mare ginauna theome laseni ba filoni tela meihi ghehati na, tahati ginauna mei aknu falehedi mala gnafa mare gloku na.”

Thoutonu Eigna Mae Job 5:12

Mana rorhoꞌe nodi gaoghatho mae iheire te diꞌa. Mala theome tangomana mare te thokeni unha te magnahagheni mare na.

Nodi Khoje Hatimare Mae Jiu 33:10

Lord na rorhoꞌe nodi groghei hatimare mae bongihehe re. Mana theome snakredi mare te eni unha te vaovatoni mare na.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Proveb 22:12

Lord na batu fakelini cheke te tutuani na, nu nhaꞌa soru pari cheke te chaichaghi na.

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.