Nehemaea 4:3 - Buka Blahi Ka Cheke Holo

³ Aonu mae Tobaea mae biꞌogna Amon igne kegra haghe rhegna mana ne cheke eghu, “Gringni thina te loku mare tuana theome maku! Jame apla haghe kaisei sua khuma ikoi ke klignagna meuna, ginauna tangomanau kolho nate grofo na sana ia tore!”

Nehemaea 4:3 Iomraidhean Croise

Ululahu Kings 20:10

Aonu, King Ben-Hadad neke fatei cheke igre ka King Ehab, “Iara ginauna kuru ari kmana soldia mala ari roꞌeni Samaria. Eghuteuna mare ginauna na paꞌe soru nomi suga ghotilo are ghilei vuhai chara kolho. Jame te theome eni iara igne na, nogu god iara igre ginauna falehe ghau iara.”

Ululahu Kings 20:18

Aonu, King Ben-Hadad ne cheke eghu, “Jau mare mei mala magra, ba mei ka pharikeli. Neuba, ghotilo tei lokidi mare, nu ghotilo thosei falehedi mare eghu.”

Fapea Kings 18:23

“Iara ginauna eni kaisei baubahu ka iagho ka nanghagna king gna Asiria. Iara ginauna tusu ranghi nigho iagho phei thogha hose jame tangomana iagho te hirodi kmana mae te mala saghe tadi re!

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Nehemaea 6:1

Ghehati ne babana fahui gringni thina igne, jare theo kaisei khora te au tagna na. Nu ghehati theome nhaꞌa lao ngau bobothodi grengatha re. Kate nomhi mae Sanbalat, mae Tobaea, mae Gesem maegna Arebia, nei keha mae naoka te gnafa igre ne thoutonu eigna glepo igne, mae Sanbalat ghe mae Gesem, phiamare ne famei kaisei nonomho ka iara. Phiamare ne cheke eghu, “Iagho mei filo ghami ghepa ka namono Keferim jare ka Glogu Ono.” Nu iara lasedi phiamae igre magnahaghei te chaghi ghau iara mala goigoni ghau iara eghu kolho.

Lamentations 5:18

Ghehati au diꞌanagnafa nei tanhi eghu fabrahu, naugna Thogele Saion na la vuhai namono nagou aheva khuma mata kolho te au jare na.

Diutronomi 23:3

“Jame kaisei ka vikegna Amon, ba vikegna Moab, eghuteuna iheire ginau nate karha mei ka phei vike igre, nafnata naikno igre jateula te theo nodi nolaghi eghu te mala au ka kaisei nodi faidu nogna naikno Lord igne.