Nehemaea 4:11 - Buka Blahi Ka Cheke Holo

¹¹ Eghuteuna noda naoka tahati igre cheke eghu ka gaoghathodire, “Mare ginauna theome laseni ba filoni tela meihi ghehati na, tahati ginauna mei aknu falehedi mala gnafa mare gloku na.”

Nehemaea 4:11 Iomraidhean Croise

Fapea Samuel 17:2

Ghehati ginauna tei magra ka mana ka vido te babaꞌo, ba te nigra mana na mala mhaghu mana. Eghuteuna nogna naikno manare ginauna kafe rikha. Iara ginauna faleheni mae King Devet kolho.

Nehemaea 4:10

Kate tudu teu gloku na, gaoghathodi mae Jiu igre ne funu glaꞌe soru, aonu mare ne koje kaisei khoje balu tanhi ne cheke eghu, “Gloku te eni tahati igne tahu fara, eghuteuna nhubrada re la salha. Chara thina gre jaola kmana fara, gognarona tahati theome naba te loku fahui gringni thina igne.”

Nehemaea 4:12

Nu leuleghu fata na mae Jiu te au rhedi mae naoka igre mei cheke eghu koba ka ghehati, “Ghotilo jifla ka namono igne mala mei au balumi ghehati!”

Nehemaea 4:9

Nu ghehati tarai ka nomi God, nei lilisei mae sekiuriti mala reireghi fakelini namonomi igne ka bongi nei ka narane, mala tangomana ghehati te tarabana fakeli kate mei mare na.

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Profet Isaia 47:11

Nu kaisei puhi biꞌo ginauna thoke mei ka iagho, eghuteuna iagho theo kaisei nou nolaghi nate kegra fothini glepo igne. Puhi biꞌo igne ginauna thoke mei ka iagho, eghuteuna iagho ginauna na theome tangomana te eni kaisei glepo te mala fanagrini nabrou gna puhi biꞌo igne. Glepo te diꞌa te theome ghathodi iaghore ginauna thoke mei mala goigoni nigho iagho.

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.