Nehemaea 3:16 - Buka Blahi Ka Cheke Holo

¹⁶ Mae Nehemaea thugna mae Asbuk, mae ihei te mae biꞌo ka nohi Bet-Sua, mana neke babana fapulo keha vidogna gringni thina te tei posa ka bekugna King Devet nei tharakna, nei tangk biꞌo nei nogna Suga mae ihei te Nheta ka Magra.

Nehemaea 3:16 Iomraidhean Croise

Fapea Kings 20:20

Keha glepo teke edi King Hesekaea nei thoutonu eigna khora biꞌo teke eni mana ke pari glose hata khoꞌu te mei ka namono Jerusalem teku igre, mare neke rioriso soru ka Buka Eidi Glepo Teke Edi Hatimare Mae King Di Juda.

Ululahu Kronikols 2:45

eghuteuna mae Samae gne kmagna mae Maon, eghuteuna mae Maon gne kmagna mae Bet-Sua.

Fapea Kronikols 16:14

Mae iheire te tarabana thinigna mana na, mare hata oel balu glaghobe te famane sisiri kelidi, ne nanhaꞌa ka thinigna mana na. Aonu mare tei ne giugilu ka beku teke kulu dokhahi mana thegna ka nogna Namono biꞌo King Devet. Eghuteuna kate gnafa giugilui na, mare ne eni kaisei khaꞌaghi biꞌo mala ghatho tahuni mana.

Nehemaea 2:14

Aonu ghehati ne leghuni gringni thina igne funu ke raru ne tei ke maghati, dongki na theome tangomana te tei na, naugna nabrou na ne diꞌa. Eghume neubane romno, ghehati soru ka Glogu Kidron mala filo fakelini gringni thina igne. Eghuteuna ghehati tei ne posani Grengatha Glokha Khoꞌu na nei nogna kholo King. Eghuteuna ka vido igne ghehati figri neke pulo ka Grengatha Glogu na mala ke ruma ka namono igne.

Nehemaea 3:12

Mae Salum thugna mae Halohes, mae ihei te mae biꞌo ka kaisei vido ka nohi lithui Jerusalem igne, baludi thugna gaꞌase mana re, mare loku keha vidogna gringni thina igne.

Nehemaea 3:14

Mae Malkaeja thugna mae Rekab, mae ihei te mae biꞌo ka nohi Bet-Hakerem igne mana neke babana fapulo Grengatha mala Koko Chara igne. Mana famaku lao phei bobotho biꞌo, eghuteuna mana jaola nhaꞌa lao aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne.

Nehemaea 3:17

Hatimare mae Livaet ne loku ka keha vidogna gringni thina igne, eghuteuna mae Rehum thugna mae Bani, mae ihei te nodi mae funei gloku mare na. Mae Hasabaea, mae ihei te mae biꞌo ka kaisei vido ka nohi Keila, mana loku keha vidogna gringni thina igne maladi naiknogna nohi igne.

Nehemaea 3:9

Mae Refaea thugna mae Hua, mae ihei te mae biꞌo ka kaisei vido ka nohi te lithui Jerusalem igne, mana loku keha vidogna na.

Eklesiasti 2:6

Eghuteuna iara hata khoꞌu mei mala faboubothudi gano teke joꞌu iara re.

Famane Khoje 3:7

Ei! King Solomon! Mana gnokro ka nogna sape nafnakno, teke atha neke mei nogna mae glokure. Namno salei soldia nhetadi Israel neke reireghini mana.

Profet Isaia 22:9

Ghotilo tei filoni baragna namono te kiloni tahati, nogna namono mae King Devet ia la groꞌehia. Ghotilo tei filodi suga ka namono tuana eghuteuna paꞌe soru keha, eghuteuna hata keha thina mala ke babana fapulo gringnidi re. Eghuteuna ghotilo jaola dokha kaisei kholo seu biꞌo mala au khoꞌu fari hoteidi phei gringnigna namono na mala theome kmoꞌe tahati ka khoꞌu. Eghuteuna khoꞌu te soru mei ka seu te tiatifa ana tangomana te soru ka seu majaghani igne. Nu ghotilo theome fatutuani ni Lord, mae ihei teke edi gobigna lepo igre. Eghuteuna ghotilo theome ghatho tahuni kolho mana, nu mana neke ghathodi neke mei glepo igre funu tifa.

Profet Isaia 7:3

Lord ne cheke eghu ka iara, “Iagho hata balumu thumu Seajasub mala tei filoni King Ehas. Iagho ginauna filoni mana ka vido aheva te mala titihi pohe ka khoꞌu te soru mei funu ka kholo ke holo ia.

Mae Khuru 2:29

“Uve, kheraguro, iara magnahaghei te toutonu fakeli ka ghotilo eigna mae kuꞌeda King Devet tifa ia. Mana neke lehe eghuteuna mare neke giugilunihi mana, eghuteuna bekugna mana na au ngala ka namonoda tahati gne ghilei posa ka narane gognaro gne.

Josua 15:58

Eghuteuna mare au keha namono langau nanghadire igre, Halhul, nei Bet-Sua, nei Gedoa,