Nehemaea 3:1 - Buka Blahi Ka Cheke Holo

¹ Igre mae iheire teke babana fapulo gringni thina igne: Mae pris biꞌo Eliasib baludi keha mae pris igre teke babana fapulo Grengatha Sipu na. Mare ne fablahi grengatha igne ka Lord, eghuteuna mare ne fagefe haghe phei grengatha biꞌo gnare. Kligna ka gringni thina igne au suga mala toetoe, eghuteuna hatimare mae pris gre ne fablahi ka gringni thina igne ne tei posa ka nogna suga mala toetoe mae Handred nei nogna suga mala toetoe mae Hananel.

Nehemaea 3:1 Iomraidhean Croise

Nehemaea 12:10

Mae pris biꞌo Jesua gne kmagna mae Joeakim, eghuteuna mae Joeakim gne, kmagna mae Eliasib, eghuteuna mae Eliasib gne kmagna mae Joeada,

Nehemaea 12:30

Aonu mae pris nei mae Livaet teu igre ne fagaedi thedi ka tathagna God, eghuteuna ke leghugna igne, naiknogna namono na, nei gringni thina na, baludi grengatha re mala jaola gae ka tathagna God.

Nehemaea 12:39

Aonu ghehati tei ne salaꞌuni Grengatha Efrem, nei Grengatha Jesana, nei Grengatha Sasa, nei nogna Thoa Hananel, nei Grengatha gna Gobi, tei posani Grengatha Sipu. Aonu ghehati nolo ne tei ne gnafa rhegna nodi Grengatha mae Greireghi.

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nehemaea 13:4

Tifa te mei na, Pris Eliasib teke reireghidi chogho te mala lilisei glepo ka nogna Sugablahi God na igre, eghuteuna mana kheragna mae Tobaea. Aonu mana snakreni mae Tobaea mala hata kaisei chogho biꞌo ka Sugablahi na. Chogho igne neke sughu lilisei glepo blahi mare tagna. Nafnata glepo teke lilisei mare jare na igre: famane flaoa, nei insens, nei keha glepo mala tarai. Chogho igre jaola au wit, nei waen, nei oliv oel teke hata teke mei naiknore ka hatimare mae Livaet, nei ka hatimare mae te koje, nei ka hatimare mae te reireghi grengatha. Chogho igre mala jaola lilisei ghedi gano mae pris.

Nehemaea 3:20

Mae Baruk thugna mae Sabae, mana loku heta fara mala babana fapulo keha vidogna gringni thina igne. Mana fufunu loku ka sulukhugna gringni thina igne tei posa ke ulugna nogna suga Pris Eliasib.

Nehemaea 3:21

Mae Meremot thugna mae Iuraea gragna mae Hakos, mana loku ka keha vidogna na. Mana fufunu loku ke ulugna nogna suga mae Eliasib tei posa ke delagna suga igne.

Nehemaea 3:32

Eghuteuna vido leghulahugna gringni thina te funu ka suga te au kligna ke rarugna sulukhugna na te tei thokeni Grengatha Sipu igne, mae te horo glepo ka gol baludi mae te loku ka bisnis igre, mare neke babana fapulo gringni thina igne.

Nehemaea 6:1

Ghehati ne babana fahui gringni thina igne, jare theo kaisei khora te au tagna na. Nu ghehati theome nhaꞌa lao ngau bobothodi grengatha re. Kate nomhi mae Sanbalat, mae Tobaea, mae Gesem maegna Arebia, nei keha mae naoka te gnafa igre ne thoutonu eigna glepo igne, mae Sanbalat ghe mae Gesem, phiamare ne famei kaisei nonomho ka iara. Phiamare ne cheke eghu, “Iagho mei filo ghami ghepa ka namono Keferim jare ka Glogu Ono.” Nu iara lasedi phiamae igre magnahaghei te chaghi ghau iara mala goigoni ghau iara eghu kolho.

Nehemaea 7:1

Kate gnafa gringni thina igne, ghehati ne famamhaku bobothodi grengatha igre, aonu iara ne vahidi mae Livaet mala sekiuriti di grengatha igre, eghuteuna kehare mala kwaea gna Sugablahi igne.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Nodi Khoje Hatimare Mae Jiu 48:12

Ghotilo nogna naikno God ra tei falithuini namono biꞌo Saion mala kahadi suga te mala toetoe te au jare ra.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Proveb 3:9

Ghatho tahuni Lord ka nou dedei, nei ka gano saro ulu ka nou nagare na.

Profet Jeremaea 31:38

Lord ne cheke eghu, “Iara vahinihi kaisei narane, eghuteuna ka narane tuana, ghotilo ginauna nake babana fapulo nogu namono iara Jerusalem. Ghotilo ginauna na fufunu ke maghati nogna suga mala toetoe mae Hananel tei posa ke mosu Geri Grengatha.

Profet Daniel 9:25

“Iagho mala lase fakelini igne. Funu ka narane te jifla mei cheke igne ka hatimare mae profet eigna te mala ke babana fapulo namono biꞌo Jerusalem teku igne ginauna theome faghose ghilei thokeni narane nate vavahi God kaisei mae, eghuteuna ginauna na thokeni phia tutu nheva finogha. Eghuteuna ka narane tuana, mare ginauna nake babana fapulo namono biꞌo Jerusalem, balu nabrou nei vido mala poru teu igre ginauna thokeni fati gobi tolufulu fati finogha. Nu ginauna na kmana puhi biꞌo na thoke mei.

Profet Sekaraea 14:10

Eghuteuna ka vido te gnafa ka glose igne, funu ke raru Geba tei posa ke mata Rimon, ginauna nake sare. Nu Jerusalem ginauna au thegna ka nogna vido kligna ka thogele. Gringni gna na ginauna funu ka Grengatha gna Benjamin tei ka Grengatha Tifa na tei posa fei Grengatha Sulukhu. Eghuteuna funu ka nogna suga mala toetoe mae Hananel, tei thokeni nogna vido mala ei waen malagna king.

Jone 5:2

Jare Jerusalem au kaisei kholo rhegna grengatha te kiloi mare nogna “Grengatha Sipu”. Kholo tuana mae Jiure kiloni Betsata. Rhegna kholo tuana au glima grorofe brahu.

Diutronomi 20:5

“Aonu mae biꞌore ginauna cheke eghu ka mae soldiare, ‘Jame kaisei mae ka ghotilo horo kaisei suga majaghani, mare theome fablahi nga meu suga igne, te eghuna, mana ke pulo au tagna. Glahu lehe mana ka magra eghuteuna keha maei na teke fablahi teke au tagna na.