Nehemaea 2:8 - Buka Blahi Ka Cheke Holo

⁸ Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Nehemaea 2:8 Iomraidhean Croise

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Esra 5:5

Nu God na filo ka nodi lida mae Jiu gre. Mae biꞌogna provins igne neke kulu rioriso tei kaisei letas ka King Darius, eghuteuna mare ofoniu cheke tughugna letas igne, mala theome fagnafani mare gloku igne.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.

Esra 6:8

“Eghume, iara gognarona cheke faheta ka ghotilo: ghotilo toghodi mare mala ke babana fapulo Sugablahi igne. Ghotilo fadoglini sileni mala tabadi mae gloku ra, eghuteuna kate magnahaghei foli glepo malagna gloku igne teu mare na, ghotilo faghose tusu lao sileni igne ka mare. Ghotilo hata fajifla sileni igne ka takis teke hata tahati ka provins ke mosu Khoꞌu biꞌo Iufretis ia, mala theome ari snoto gloku igne.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Nehemaea 7:2

Eghuteuna iara vahini mae thabusigu Hanani, balugna mae Hananaea mae ihei te komanda ka vido te keli te mala poru ka namono igne, mala fiofiloni phiamare namono Jerusalem. Iara vahini mae Hananaea gne naugna naiknore tangomana te ronuni mana na, eghuteuna mana jaola thofno ghatho tahuni God, salaꞌudi keha kmana naiknore.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Eklesiasti 2:5

Iara joꞌu kmana gano nei thua nafnata gaju mala ima.

Eklesiasti 2:6

Eghuteuna iara hata khoꞌu mei mala faboubothudi gano teke joꞌu iara re.

Profet Isaia 66:14

Kate filoni ghotilo glepo nate eni iara ka ghotilo igne, ghotilo ginauna keli tami fara, eghuteuna ghotilo ginauna nake karha kelimi. Ka narane igne ghotilo ginauna laseni Lord te toghodi iheire te leghuni manare, eghuteuna mana ginauna na fakakhana nogna diꞌatagna na ka nogna naokare.

Profet Daniel 1:9

Aonu, God ne snakreni mae Aspenas mala kokhonini mae Daniel.

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Fapea Korin 8:16

Ghehati tegio ka God naugna mana ne snakreni mae Taetus u nagnafa namha jateula ghehati teu te togho ghami ghotilo.