Nehemaea 2:7 - Buka Blahi Ka Cheke Holo

⁷ Eghuteuna iara toreni mana mala tusu mei keha letas mala tusu lao iara ka gavana gna provins ke mosu Khoꞌu biꞌo Iufretis. Nogna letas king igne te mala snakreni mare te mala ruma iara ke lamnagna provins igne te mala ghilei tei posa iara ka nohi Juda.

Nehemaea 2:7 Iomraidhean Croise

Esra 6:6

Aonu King Darius ne fatei nogna cheke tughu na ka mare, ne cheke eghu, “Ka iagho Tatenae, gavana gna provins ke mosu Khoꞌu biꞌo Iufretis, nei ka iagho Seta-Bosenae baludi keha mae biꞌo gna provins igne. Ghotilo au fadelei ka mare!

Esra 7:21

“Iara King Atasekses, iara cheke faheta cheke igre ka nogu mae biꞌo iara te fiofilodi sileni gna provins ke mosu Khoꞌu biꞌo Iufretis. Unha Pris Esra mae velepuhi gna Vetula nogna God gna Kligna igne mei te tore gobigna lepo igre ka ghotilo na, ghotilo mala faghosei tusu lao glepo igre ka mana.

Esra 8:22

Iara mamaja nogu fara te toreni king te mala kuru nogna soldia nei mae te saghe ka hose te mala reireghi ghami ghehati ka nabrou na. Iara mamaja nogu naugna iara neke cheke eghuhi ka king, “Nomi God ghehati gne thofno fablahidi fabrahu iheire te fatutuanini mana re, nu thono diꞌatagna fara ka iheire te figri tagruni mana re.”

Esra 8:36

Aonu ghehati hata nogna letas king teke tusu mei ka ghehati igne ne tusu lao ka gavana nei hatimare nogna mae biꞌo king te au ka provins ke mosu Khoꞌu biꞌo Iufretis. Aonu mae biꞌo igre ne toghodi naiknore, eghuteuna mare ne togho ghami ghehati ka glokugna nogna Sugablahi God.

Nehemaea 2:9

Kate jifla iara na, king kurudi keha mae komanda gna armi baludi mae soldia te saghe ka hose, mala reireghi ghau iara ka nabrou. Eghuteuna iara mei ne thoke ka provins ke mosu Khoꞌu biꞌo Iufretis, eghuteuna ka nohi te gnafa aheva te tei iara tagna na, iara tusu lao nogna letas king igne ka gavana, mala tangomana mana te snakre ghau iara te tei salaꞌu na.

Nehemaea 3:7

Mae Melataea maegna Gibeon ghe mae Jadon maegna Meronot, baludi maedi ka namono Gibeon ghe Mispa, mae igre neke babana fapulo keha vidogna gringni thina igne, tei posa Mispa ka namono aheva te au gavana gna provins ke mosu Khoꞌu biꞌo Iufretis.