Nehemaea 2:4 - Buka Blahi Ka Cheke Holo

⁴ King nomhini cheke igne ne ghusna eghu ka iara, “Unha te magnahagheni iagho na mala togho nigho iara?” Aonu iara ghosei ne tarai ka God gna Kligna,

Nehemaea 2:4 Iomraidhean Croise

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Nehemaea 1:4

Kate nomhini iara cheke igne, iara gnokro pari ne tanhi nogu. Ka phei ba thilo narane, iara ne theome ghamu ne diꞌanagnafa nei tanhi neu kolho. Eghuteuna iara ne tarai fabrahu ka God gna kligna,

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Nehemaea 2:20

Aonu iara ne cheke eghu ka thilo mare, “God gna Kligna ginauna togho ghami ghehati mala loku fagnafa gloku igne. Ghehati nogna mae gloku mana gre kolho nate fufunu gloku igne mala ke babana fapulo gringni thina gna namono igne. Nu ghotilo theome naiknomi Jerusalem, eghume ghotilo theo nomi nolaghi te mala cheke eigna igne.”

Nehemaea 2:5

eghuteuna iara ne cheke eghu ka mana, “King, jame te kelitamu iagho ka iara nou mae gloku gne na, iagho snakre ghau iara mala ke pulo iara Juda ka nogu namono teke giugiludi vikegu iara tagnara, mala ke babana fapulo iara namono ia.”

Nogna Buka Esta 5:3

Eghuteuna king ne ghusna eghu, “Kuin Esta, unha te magnahagheni iagho na? Jame te chekeni iagho unha te magnahagheni ka iara na, neuba iagho ne toreni kaisei vido biꞌo ka gobigna lepo te au ka kantri te funei frunini iara igne, iara ginauna na tusu ari ka iagho.”

Nogna Buka Esta 5:6

Kate ghamu te gnafa na, mare ne koꞌu waen, eghuteuna ka vido tuana king ne cheke eghu ka Esta, “Kuin Esta, iagho chekeni ka iara unha te magnahagheni iagho na, iara ginauna na tusu ari ka iagho. Neuba iagho ne toreni kaisei vido biꞌo ka gobigna lepo te au ka kantri te funei frunini iara igne, iara ginauna tusu ari ka iagho.”

Nogna Buka Esta 7:2

Kate koꞌu retilo na, King ne cheke eghu ka Esta, “Kuin Esta, jame te chekeni iagho unha te magnahagheni na, neuba iagho ne toreni kaisei vido biꞌo ka nogu kantri iara igne, iara ginauna na tusu ari ka iagho!”

Nodi Khoje Hatimare Mae Jiu 136:26

Tahati cheke fakelini noda God mae ihei te au teu kligna! Mana ne namha ghita tahati tifa tifa!

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Nonomho Te Keli Teke Risoi Mae Mak 10:51

Mae Jisas ne ghusna eghu ka mana, “Unha te magnahagheni iagho te mala eni iara ranghi nigho na?” Mae te dofu na ne cheke eghu ka mana, “Velepuhi, iara magnahaghei teke fifilo fapulo.”

Mae Khuru 23:19

Aonu mae funei biꞌo na hatani mae majaghani na ne tei ka vido te nagou na. Mae funei biꞌo na ne ghusna eghu, “Unha te magnahaghei toutonuni iagho ka iara na?”

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.