Nehemaea 2:18 - Buka Blahi Ka Cheke Holo

¹⁸ Eghuteuna iara chekeni ka mare eigna God te togho ghau fara iara na, baludi cheke te edi king ka iara re. Aonu mare ne cheke eghu, “Tahati mala fufunu gloku igne!” Eghuteuna mare tarabana mala fufunu gloku igne.

Nehemaea 2:18 Iomraidhean Croise

Fapea Samuel 2:7

Eghume, ghotilo kegra heta fabrahu, thosei mhaghu. Tutuani, mae Sol nomi king ghotilo la lehehi. Eghuteuna naiknodi Juda igre neke vahi ghau iara mala nodi king mare.”

Ululahu Kronikols 11:10

Lida te gnafa ka vike te gnafa Israel igre ne toghoni mae Devet mala king leghuni unha teke nhaꞌa chekeni Lord. King Devet ne au nogna soldia te keli, mae iheire te thofno toghoni mana te kaisei mae king rheta.

Ululahu Kronikols 19:13

Iagho thosei mhaghu! Iagho magra heta mala fakarhidi noda naiknora, nei nogna namono God teke tusu mei ka tahati igne. Iara laseni, Lord ginauna eni unha mana te magnahagheni.”

Fapea Kronikols 32:5

Eghuteuna king neke horo fakeli bara thinagna namono biꞌo Jerusalem teke groꞌe na neke nanhaꞌa suga mala toetoe ke kligna gna. Eghuteuna ke kosigna bara thina igne, mare neke eni fapea bara thina na ne lithui ka namono igne. Eghuteuna mare ke jaola ke horo fakeli bara thina igne mala fafofodu glose ka vido te kiloi mare nogna Namono Biꞌo King Devet. Eghuteuna mana chekedi nogna mae glokure mala tarabana kmana glepo mala magra nei greoreo mala tafra jata.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Ululahu Samuel 23:16

Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.