Nehemaea 2:13 - Buka Blahi Ka Cheke Holo

¹³ Ka bongi tuana, ghehati ne tei salaꞌu ka Grengatha Glogu ke mosu namono. Eghuteuna ghehati tei ke mata leghuni gringni thina na mala tei posa ka Nogna Glokha Khoꞌu Mogo nei Grengatha mala Hata Koko Chara, jare ke mata khukrugna gringni thina na. Ghehati tei ne filodi vido gringni thina teke goigoni mae naoka tifa ra, baludi grengatha teke gnhubra ka khaꞌaghi ra.

Nehemaea 2:13 Iomraidhean Croise

Fapea Kronikols 26:9

Mana ne horo thilo suga rheta mala toetoe ke kligna bara thina Jerusalem. Kaisei na au ke kligna Grengatha fei Sulukhu, eghuteuna kaisei na au ke kligna Grengatha fei Glogu, eghuteuna kaisei na au ke kligna vido aheva bara thina te au ka sulukhu na.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Nehemaea 12:31

Iara neke chekedi mae biꞌodi Juda igre mala kafe haghe ke kligna gna gringni igne. Eghuteuna iara ne vavahi phei tothoghei mala koje kilo fnaknoni God. Tothoghei ulu lahu na tei ke mata leghu nabrou tei ka Grengatha mala Koko Chara na.

Nehemaea 2:17

Nu ka narane igne iara ne cheke eghu ka mare, “Ghotilo la lasenihi puhi biꞌo te thoke ghita tahati igne. Gringni thina gna namono Jerusalem igne la nghuja tafri la khoko pari, eghuteuna grengatha igre la gnubrahi ka khaꞌaghi. Tahati nake babana fapulo gringni thina igne, mala theome mamaja noda fabrahu tahati tagna.”

Nehemaea 2:3

ne cheke eghu ka king, “Iagho king fabrahu tifa tifa! Uve, iara diꞌanagnafagu fara, naugna nogu namono iara aheva teke giugiludi vikegu iara tagnara la groꞌehi. Eghuteuna grengathagna gringni thina na la gnhubrahi ka khaꞌaghi.”

Profet Jeremaea 5:10

“Iara cheke ranghi ghami ghotilo mae naokara te mala haghe goigonidi nodi nagare grep naikno igre. Nu thosei goigoni fahui eghu. Kato koko gregedi gaju grep te gnafa are, naugna grege tuare theome nogu iara.