Nehemaea 2:10 - Buka Blahi Ka Cheke Holo

¹⁰ Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Nehemaea 2:10 Iomraidhean Croise

Nehemaea 13:1

Ka narane igne naiknore mei ne khapru, eghuteuna mare ne iuꞌiju fabiꞌo nogna Vetula mae Moses na mala tangomana naiknore te kafe nomhini. Kate nomhini igne, mare laseni te theo kaisei ka vikegna Amon, ba ka vikegna Moab te au nodi nolaghi te mala gnokro baludi mae Israel ka nogna nakhapru God na.

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nehemaea 13:4

Tifa te mei na, Pris Eliasib teke reireghidi chogho te mala lilisei glepo ka nogna Sugablahi God na igre, eghuteuna mana kheragna mae Tobaea. Aonu mana snakreni mae Tobaea mala hata kaisei chogho biꞌo ka Sugablahi na. Chogho igne neke sughu lilisei glepo blahi mare tagna. Nafnata glepo teke lilisei mare jare na igre: famane flaoa, nei insens, nei keha glepo mala tarai. Chogho igre jaola au wit, nei waen, nei oliv oel teke hata teke mei naiknore ka hatimare mae Livaet, nei ka hatimare mae te koje, nei ka hatimare mae te reireghi grengatha. Chogho igre mala jaola lilisei ghedi gano mae pris.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Nehemaea 4:7

Nu kate nomhini mae Sanbalat ghe mae Tobaea baludi naiknodi Arebia, nei naiknodi Amon, nei naiknodi Asdod teu tekela babana fapulo ghehati vido ka gringni thina gna namono Jerusalem teke groꞌe igne, mare ne thono diꞌatadi fara.

Nehemaea 6:1

Ghehati ne babana fahui gringni thina igne, jare theo kaisei khora te au tagna na. Nu ghehati theome nhaꞌa lao ngau bobothodi grengatha re. Kate nomhi mae Sanbalat, mae Tobaea, mae Gesem maegna Arebia, nei keha mae naoka te gnafa igre ne thoutonu eigna glepo igne, mae Sanbalat ghe mae Gesem, phiamare ne famei kaisei nonomho ka iara. Phiamare ne cheke eghu, “Iagho mei filo ghami ghepa ka namono Keferim jare ka Glogu Ono.” Nu iara lasedi phiamae igre magnahaghei te chaghi ghau iara mala goigoni ghau iara eghu kolho.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Eklesiasti 10:7

Eghuteuna iara jaola neke filodi mae gloku kolho te saghe te tei ka hose, nu mae funei re nolo ghahe jateula mae gloku eghu kolho.

Profet Isaia 15:5

“Nu iara ne kokhoni nogudi fara naiknodi Moab igre. Naugna keha ka naikno igre rikha ne tei thoke ka namono Soa, eghuteuna keha naiknore ne tei posa ka namono Eglat-Selisia. Eghuteuna keha ka mare tanhi leghu brou ne haghe ka namono Luhit. Eghuteuna keha ka mare jaola tanhi rikha doglo ne tei ka namono Horonaem.

Profet Jeremaea 41:10

Thugna gaꞌase king nei keha naiknodi Mispa eghu teke lisei soru mae Nebusaradan mae funeidi nogna armi mae king gna Babilonia ke parigna nogna nolaghi mae Gedalaea igre ne kafe atha mae Ismael ne tei balugna ka kantri Amon.

Profet Jeremaea 48:34

“Naogladi naikno te tanhi fabiꞌo ka namono Hesbon, Eleale nei Jahas tangomana te nomhi laodire. Eghuteuna naikno te au ka namono Soa, Horonaem, nei Eglat-Selisia jaola nomhidi. Eghuteuna khoꞌu ikoi Nimrim igne ginauna krango dofini.

Profet Jeremaea 48:5

Kate nolo te haghe te thoke ka gukhu te kiloi Luhit igne, naiknodi Moab igre ginauna tanhi leghu brou haghe. Eghuteuna kate soru namono Horonaem na, mare ginauna eha fabiꞌo mala toghodi.

Mae Khuru 4:2

Mare diꞌa tadi fara ka phiamare, naugna phiamare ne farirhiudi naiknore eigna mae Jisas teke karha fapulo kau glehe na. Eghuteuna phiamare jaola farirhiudi naiknore eigna ke leghugna glehe na, naiknore ginauna nake karha fapulo ka nanghagna mae Jisas.

Mae Khuru 5:24

Kate nomhini igne, mae funei biꞌo te mala reireghi gna Sugablahi na, nei hatimare mae pris ulu teure ne faꞌihodi fara. Mare ne jaglo nodi fara ka unha te eni ka mae khuru gre.