Nehemaea 13:16 - Buka Blahi Ka Cheke Holo

¹⁶ Eghuteuna iara jaola filodi naiknodi ka namono Taea te au Jerusalem, naikno igre hata mei sasa nei soasopai nafnata glepo ka narane Sabat mala foli ka naiknodi Juda.

Nehemaea 13:16 Iomraidhean Croise

Nehemaea 13:15

Ka narane tuare iara filodi naiknodi Juda igre loku ka narane Sabat. Keha naiknore hata grep, eghuteuna tapla ke klignadi mala ei waen. Eghuteuna kehare mala hata mei gano nei waen, nei grep, nei fig, nei keha soasopai glepoi eghu, eghuteuna lilisei ke kligna dongki mala hata tei Jerusalem mala foli. Naugna igne, iara ne cheke faheta eghu ka mare, “Ghotilo thosei foli glepo tuare ka narane Sabat!”

Nehemaea 13:17

Aonu iara diꞌatagu fara ne cheke faheta eghu ka mae mala baubatudi Juda gre, “Filo si ghotilo! Ghotilo la goigoni narane Sabat igne la jateula fiti narane ra lau kolho.

Eksodas 20:10

Nu fafitu narane na nogu narane iara mala gnafa. Ka narane tuana theo kaisei naikno nate loku na. Ghotilo baludi thumi are, nomi naikno gloku te gaꞌase ba nalhaꞌu, nomi buluka nei naiknodi keha kantri te mei au teu balumi ghotilo are eghu mala thosei loku.

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Diutronomi 5:14

Nu ka fafitu narane na, narane Sabat, narane mala cheke fakelini Lord, nomi God. Ka narane igne, ghotilo ginauna thosei loku tagna. Ghotilo, nei thumire, nei nomi mae gloku, nei gaꞌase gloku, nei nomi buluka nei dongki, nei nomi sipu, nei naikno phosa te au balumi. Ghotilo te gnafa na thosei loku ka narane igne. Ka puhi igne nomi naikno gloku ghotilo re jaola tangomana te gnafa jateula ghotilo eghu.