Nehemaea 11:1 - Buka Blahi Ka Cheke Holo

¹ Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Nehemaea 11:1 Iomraidhean Croise

Ululahu Kronikols 26:13

Neubane tharakna biꞌo ba ikoi, mare na lalahu khale mala laseni grengatha aheva gne nate reireghi tharakna tuana.

Ululahu Kronikols 8:28

Ka susureigna vike igne te laseni mae igre te mae mala baubatu ka vikegna mae Benjamin te au Jerusalem.

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Ululahu Kronikols 9:3

Kehare ka vikegna mae Juda, kehare ka vikegna mae Benjamin, kehare ka vikegna mae Efrem, nei kehare ka vikegna mae Manase, mare mei ne au Jerusalem.

Nehemaea 10:34

“Ghehati mae pris ra, mae Livaet ra, nei mavitu ra teuna ginauna lalahu khale, mala laseni gaoghathogna God na, tharakna aheva gne nate hata gaju te mei ka Sugablahi na mala gahu ke kligna nogna olta Lord nomi God, leghuni unha te chekeni ka vetula na.

Nehemaea 11:18

Khaputudi mae Livaet te au Jerusalem igre, thokeni phei gobi nhanasalei fati.

Nehemaea 4:22

Iara jaola neke cheke eghu ka naiknore ka narane tuana, “Ghotilo mae nalhaꞌu baludi nomi mae gloku ra, ghotilo au soru Jerusalem bongiro na mala reireghi fakelini namono gne, eghuteuna loku ka gringni thina gne narane na.”

Nodi Khoje Hatimare Mae Jiu 122:5

Agne Jerusalem, hatimare mae king te mala fate ghita tahati na.

Nodi Khoje Hatimare Mae Jiu 122:6

Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Profet Isaia 52:1

Dofra haghe ghotilo naiknomi Jerusalem! Farerheta nagnafami are! Ghotilo mala fagae ghami themi ka namono blahi Jerusalem. Naugna naikno bongihehe baludi naikno te theome gae ka tathagna God igre ginauna theome ruma haghe ka namono Jerusalem.

Matiu 4:5

Satan batuni Jisas ne haghe ka namono blahi Jerusalem, ne fakegrani mana ka khekelegna Sugablahi na.

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Mae Khuru 1:26

Ke leghugna igne, mare ne lalahu khale, eghuteuna nodi vavahi mare na ne soru ka mae Matas. Aonu mana ne kaisei mae khuru baludi nabotho kaisei mae igre.

Josua 18:10

Eghuteuna jare Saelo ke ulugna Lord, mae Josua ne lalahu khale mala laseni rijon aheva Lord nate tusu lao ka vike igre te mala khotogna na. Igne unha te eni Josua kate tufa mana rijon igre ka fitu vike te theome khotogna kaisei glose na.