Nehemaea 1:5 - Buka Blahi Ka Cheke Holo

⁵ ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Nehemaea 1:5 Iomraidhean Croise

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Ululahu Kronikols 17:21

Theo kaisei ka keha naikno ka nauthoglu igne te jateula nou naikno iagho Israel igre teuna. Iagho neke fakarhidi mala tangomana naikno te gnafa igre te laseni nanghamu iagho te haghe fara na. Iagho neke hata fapulodi Israel nou naikno themu teke au sosolo Ijep, eghuteuna iagho neke edi kmana glepo te thono biꞌo fara kani teke brue fajifladi iagho keha naiknore ka namono igne.

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Nehemaea 2:4

King nomhini cheke igne ne ghusna eghu ka iara, “Unha te magnahagheni iagho na mala togho nigho iara?” Aonu iara ghosei ne tarai ka God gna Kligna,

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Nehemaea 4:8

Aonu mare ghaoghaho fodu ne mei Jerusalem mala magra nei ei puhi biꞌo eghu ka ghehati.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Nodi Khoje Hatimare Mae Jiu 76:8

Iagho au kligna, eghuteuna iagho edi naikno ka nauthoglu gne mala lase fakelini gaoghathomu iagho na. Naugna igne, kate fatedi iagho naikno te gnafare nei fakarhidi iheire te au papara teure, naikno te gnafa ka nauthoglu igne ne mhaghu nodi fara ne au kmu.

Nodi Khoje Hatimare Mae Jiu 89:2

Iara laseni nou namha biꞌo iagho na ginau au fabrahu, eghuteuna puhi te tajini iagho nou nhaꞌa cheke na igne jateula maloa te au fabrahu ana eghu.

Nodi Khoje Hatimare Mae Jiu 89:3

Iagho neke cheke eghu, “Iara neke enihi kaisei nhaꞌa cheke ka mae Devet nogu mae gloku teke vahini iara tifa ia.

Nodi Khoje Hatimare Mae Jiu 89:8

Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.