Nehemaea 1:11 - Buka Blahi Ka Cheke Holo

¹¹ Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Nehemaea 1:11 Iomraidhean Croise

Jenesis 24:42

“Kate mei iara ka khoꞌu seu na ginei gne, iara neke tarai eghu, ‘Lord, iagho nogna God nogu mae funei iara Ebraham, togho ghau iara mala tangomana iara te filoni kaisei gaꞌase malagna thugna mana na gognaro gne mala keli nogu gloku iara na ka tathagna nogu mae funei iara na.’

Jenesis 32:11

Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Jenesis 40:1

Keha fata ke leghudi igre, phei nogna ofisa mae king gna Ijep re neke edi keha glepo te jafra fara ka mae king. Phei mae igre keha na mae mala hata kapu waen mei koba ka mae king, eghuteuna kaisei na mae mala reireghigna nogna suga bret mae king na.

Jenesis 40:2

Mae king na ne diꞌatagna fara ka phei nogna mae gloku igre.

Jenesis 40:21

Mae king ne cheke ka mae te mala hata kapu waen te mei koba ka mana na mala ke pulo ka nogna gloku na.

Jenesis 40:23

Nu mae te mala hata kapu waen te mei ka mae king na igne neke theome ghathoni ngala mae Josep. Mana neke thofno ghatho ihoni fara mana.

Jenesis 41:9

Ke leghugna igne mae te mala hata kapu waen te mei ka mae king na ne cheke eghu, “King, iara gne thono jafra fara eigna iara ne ghatho ihoni ngala mae Josep.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Fapea Kronikols 6:40

“Nogu God, filo mei fabrahu ka ghehati, eghuteuna fanomho mei ka nomi tharai ghehati te edi ghehati ka vido igne.

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Nehemaea 2:1

Ka nhigra ulu lahu Nisan, ka varadaki finogha gna King Atasekses te funei fruni ni Pesia, King Atasekses gnokro soru ne ghamu, eghuteuna iara hata ne tei ghegna waen mana na. Ka narane igne mana filo glani ghau iara te diꞌanagnafa na, naugna mana neke theome filo ghau iara teke diꞌanagnafa tifa na.

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.

Nodi Khoje Hatimare Mae Jiu 61:5

God, iagho la nomhidihi unha teke nhaꞌa chekedi iara ka iagho ra. Eghuteuna iagho la fameihi ka iara unha te maladi iheire te ghatho tahu nigho re.

Nodi Khoje Hatimare Mae Jiu 86:6

Lord God, fanomho mei ka nogu tharai gre. Uve, fanomho mei sagho mala togho ghau iara ka vido te tanhi ari iara ka iagho na.

Proveb 1:29

Ghotilo tiromi hata glalase te keli, nei tiromi ghatho tahuni Lord.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Profet Jeremaea 42:12

Iara ginauna kokhoni ghami nei keli ranghi ghami eghu ghotilo, eghuteuna snakre ghami mala ke figri ka nomi thofno namono re.’ ” Igne cheke gna Lord.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Hibru 13:18

Tarai ghami koba. Ghehati mala laseni nagnafamire te gae fara naugna ghehati magnahaghei te edi koba glepo te kelire.