Naba 6:3 - Buka Blahi Ka Cheke Holo

³ uve, ghotilo thosei koꞌu waen ba koꞌu keha khoꞌu te mala dranga are. Eghuteuna thosei koꞌu keha khoꞌu te edi mare ka grep, nei jaola thosei ghamu sisi grep te muita ba te mojadi are.

Naba 6:3 Iomraidhean Croise

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Profet Emos 2:11

Lord ne cheke eghu, “Iara neke vavahi keha mae majaghani ka ghotilo mala mae profet nei keha mala nogu mae gloku iara, iara kilodi mae igre, Nasaraet. Ba? Ghotilo maemi Israel ra, glepo te chekedi iara igre tutuani ba theo? Uve, te ghathoni iara na igne thofno tutuani fara.

Profet Emos 2:12

Nu neubane tabu te koꞌu waen na, ghotilo ne huhurudi mae Nasaraet igre ne koꞌu waen mare. Uve, ghotilo jaola theome snakredi nogu mae profet iara igre mala toutonuni chekegu iara na.

Naba 6:4

Ihei nga ne kaisei baludi ka tothoghei Nasaraet gre nu, ghotilo thosei ke ima kaisei glepo te edi mare ka gaju grep are, neubane khatugna nei guligna teu gaju tuana.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Ululahu Tesalonika 5:22

Tafradi gobigna lepo te diꞌa.

Ululahu Timoti 5:23

Ghema Timoti, theome keli te koꞌu khoꞌu fabrahu kolho iagho na. Iagho nabamu na jaola koꞌu katha waen mala toghoni thi'amu na, mala hui fogra te au fabrahu ka iagho ana.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Jajis 13:14

Naꞌa mala thosei ghamu kaisei sisi grep. Eghuteuna naꞌa mala thosei koꞌu waen ba beer eghuteuna naꞌa mala thosei ghamu kaisei glepo te blahi ka vetula na. Naꞌa mala thofno leghudi gobigna lepo teke chekedi iara ka naꞌa ra.”

Jajis 13:4

Eghume iagho thosei koꞌu waen ba beer, eghuteuna iagho thosei ghamu gano te blahi ka vetula na.