Naba 2:2 - Buka Blahi Ka Cheke Holo

² “Kate tei au ghotilo ka nomi vido re, ghotilo ginauna edi haghe nomi suga thapuale re mala au faligohoni Suga Tapuale te blahi igne, nu mare mala au fagaꞌu katha vido ka suga thapuale igne. Eghuteuna ghotilo te gnafa na mala au nomi flagi mala fagaglanadi vike ghotilo re, eghuteuna mae nalhaꞌu re mala edi haghe nodi suga thapuale re, mala au faligoho ka flagi vikedi thedire, nei mala au faligohodi nodi flagi kokholo te gnafa thedire.”

Naba 2:2 Iomraidhean Croise

Nodi Khoje Hatimare Mae Jiu 74:4

Nou naoka iagho gre neke eha fabiꞌo ke lamna nou Sugablahi iagho, naugna mare la ulu ghami hila ghehati ka magra na. Mare gognaro na la rafe haghe hila nodi flagi na jare, fagaglana eigna mare tela ulu ghamihila ghehati na.

Nodi Khoje Hatimare Mae Jiu 76:11

Tahati te gnafa na mala kafe mhaghuni hui noda Lord God. Ghotilo hui ka kantri te gnafa te au rhegna Israel mala tusu ranghini mana unha teke nhaꞌa chekedi ghotilo ka mana ra. Eghuteuna atha mei nomi namhare ka mana.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Profet Isaia 18:3

Ghotilo naikno te au ka nauthoglu ra! Mare ginauna lilisei haghe kaisei flagi ke kligna thogele mala tangomana ghotilo te filoni. Eghuteuna kate filoni ghotilo flagi igne ghotilo tarabana mala magra! Mare ginauna kufliu, eghume ghotilo fanomho fakeli eghu!”

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.

Profet Sekaraea 9:16

Ka narane tuana, Lord ginauna fakarhidi nogna naiknore, jateula mae te reireghidi nogna sipu ra eghu. Mare ginauna au fakeli nodi ka nodi glose na. Lord ginauna keli tagna ka mare jateula king te keli tagna ka thofno famane thina te siasigla ka nogna khepi nafnakno ia eghu.

Naba 1:50

Nodi gloku vikegna mae Livae gre mala reireghini Suga Tapuale te Blahi igne baludi gobigna lepo te au ke lamnagna. Leuleghu fata na mare mala lisei haghe nodi suga tapuale re faligohoni Suga Tapuale te Blahi na, eghuteuna ghotilo ginauna na pala balumi Suga Thapuale te Blahi igne kate tei ghotilo ka keha vido re. Eghuteuna mae ihei nga ke kosigna vikegna mae Livae ne mei ke lamnagna vido te blahi igne, ghotilo ginauna faleleheni mae tuana.

Naba 10:14

Aonu naikno teke au ke parigna nodi flagi vikegna mae Juda gre ngala te mala kulu tei na. Eghuteuna mae Nason, thugna mae Aminadab gne te batudi vikegna mae Juda na.

Naba 10:18

Aonu fapea tothoghei te mala nolo te tei re, naikno te au ke parigna nodi flagi vikegna mae Ruben. Eghuteuna mae Elisua, thugna mae Sedeua gne te mala batudi vikegna mae Ruben na.

Naba 10:22

Aonu fatilo tothoghei te mala nolo te tei re, naikno te au ke parigna nodi flagi vikegna mae Efrem. Eghuteuna mae Elisama, thugna mae Amihud gne te mala batudi vikegna mae Efrem re.

Naba 10:25

Aonu leghu lahu tothoghei te mala nolo te tei re, naikno te au ke parigna nodi flagi vikegna mae Dan. Mare mala au leghu lahu mala reireghidi mare te gnafa na. Eghuteuna mae Ahiesa, thugna mae Amisadae gne te mala batudi vikegna mae Dan re.

Naba 2:1

Lord neke cheke eghu ka mae Moses ghe mae Eron,

Naba 2:10

Eghuteuna mae ka vikegna Ruben, vikegna Simion, nei vikegna mae Gad re mala edi haghe nodi suga thapuale re ke file holo, baludi nodi flagi re, mare mala au ka nodi kokholo thedire, baludi nodi mae lida na. Mae lida ka vikegna Ruben na mae Elisua, thugna mae Sedeua. Khaputudi mare re ne thokei phiatutu namno thogha glima gobi. Eghuteuna vikegna Simion re mala au rhedi vikegna Ruben. Eghuteuna mae lida ka vikegna mae Simion na mae Selumiel, thugna mae Surisadae. Khaputudi mare te gnafa na thokei glimafulu nhevai thogha thilo gobi. Ka keha phile na, vikegna Gad te au tagna na. Eghuteuna mae lida mare na mae Eliasaf, thugna mae Duel. Khaputudi mare te gnafa na thokei phiatutu glima thogha namno gobi glimafului.

Naba 2:3

Mae ka vikegna Juda, vikegna Isaka, nei vikegna mae Sebulun re mala edi haghe nodi suga thapuale re file maghati, baludi nodi flagi re. Mare mala au ka nodi kokholo thedire, baludi mae nodi lida na. Ka vikegna Juda, mae lida mare na mae Nason, thugna mae Aminadab. Khaputudi mare re ne thokei fitu salei fati thogha namno gobi. Eghuteuna vikegna Isaka re mala au rhedi vikegna mae Juda. Eghuteuna mae lida ka vikegna mae Isaka re mae Netanel, thugna mae Sua. Khaputudi mare te gnafa na thokei glimafulu fati thogha fati gobi. Ka keha phile na, vikegna Sebulun te mala au tagna na. Eghuteuna mae lida mare na mae Ehab, thugna mae Helon. Khaputudi mare te gnafa na ne thokei glimafulu fitui thogha fati gobi.

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Ululahu Korin 14:40

Eghuteuna ka khiloau na ghotilo mala edi gobigna lepore ka puhi te keli, theome mala fiti reꞌe eghu kolho.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Josua 3:4

Tahati neke theome mei thoke ka vido igne tifa na, eghume mae pris gre ginauna falalase nabrou na mala leghuni tahati. Nu ghotilo thosei tei namo ka Bokis Blahi igne. Ghotilo au fakhaba nabagna kaisei kilo mita.”