Naba 1:3 - Buka Blahi Ka Cheke Holo

³ mae iheire te vuha ka varadaki finogha te haghe, nei mae iheire te naba te mala tei ka magra.

Naba 1:3 Iomraidhean Croise

Fapea Samuel 24:9

Aonu mae Joab tei ne toutonu ka king eigna thei mare igne. Eghuteuna khaputudi iheire naba te mala tei ka magra na: Israel nhana gobi thogha mae, eghuteuna Juda glima gobi thogha mae.

Ululahu Kronikols 5:18

Phiatutu fati thogha, fitu gobi namnosalei soldia ka vikegna mae Ruben, ka vikegna mae Gad, nei keha ka vikegna mae Manase te au ke maghati Khoꞌu biꞌo Jordan igre mare jifla balu nodi greoreo, naflahi nei phaloho neu ne tei magra.

Fapea Kronikols 25:5

King Amasaea ne kilo meidi maedi Juda mae iheire te thokeni varadaki finogha haghe. Aonu mana fofotadi ka nogna tothoghei armi na. Mana fofota maedi Juda nei Benjamin leghu tharakna. Mana vavahi keha mae komanda ka kaisei thogha soldia, eghuteuna keha mae komanda ka kaisei gobi soldia. Khaputudi re thokeni thilo gobi thogha soldia, mae iheire te lase loku goru nei greoreo te mala tafra jata, eghuteuna mare tarabana fabrahu mala tei ka magra.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Eksodas 30:14

Kate kaha na, iagho kahadi mae iheire te funu ka varadaki finogha haghe, aonu mare mala tusu mei sileni igne ka iara.

Naba 14:29

Ka namono nagou igne ghotilo ginauna lehe. Iheire te vuha ka varadaki finogha te haghe gre, nei iheire naikno ka ghotilo te buiburi ghau iara gre na orio lehe.

Naba 26:2

“Ghopa ginauna kaha mae nalhaꞌudi Israel re. Ghopa ginauna kaha leghudi kokholodi nei thabuknadi teu nabotho phei vikegna Israel are. Eghuteuna ghopa ginauna riso soru nanghadi mae iheire te funu ka varadaki finogha te haghe nei mae te naba tei ka magra re eghu.”

Naba 3:15

“Iagho ginauna kaha mae nalhaꞌu ka vikegna mae Livae, leghudi kokholo te gnafa nei thabukna te gnafa teu are, nu iagho ginau vuha kakaha ka mae sua nalhaꞌu te kaisei nhigra te haghe teu finogha dire are.”

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Naba 33:1

Igne thoutonu eigna nodi theitei naiknodi Israel ka teke jifla mare funu Ijep ke parigna nodi baubatu mae Moses ghe mae Eron.

Naba 4:3

ghopa riso soru nanghadi mae te vuha ka tolufulu finogha te thoke ka glimafulu finogha. Mae tuare te mala loku ka Suga Thapuale te blahi igne.

Diutronomi 24:5

Mae Moses ne cheke eghu, “Jame kaisei mae ao ngala tolaghi nga, ghotilo theome tangomana te kuruni mana tei magra ka armi. Eghuteuna ghotilo theome tangomana teke tusu lao keha gloku ka armi. Ghotilo lisani mana mala au kaisei finogha thongana balugna khetogna na, mala glealeꞌa khetogna na.

Diutronomi 3:18

“Eghuteuna ka narane tuana, iara neke cheke faheta eghu ka vikedi mae Ruben, mae Gad nei mae Manase, ‘Lord, nomi God ghotilo, mana neke tusu arihi glose igne ka ghotilo mala khotogna. Nu kate kasa ghotilo ka Khoꞌu biꞌo Jordan igne, nomi soldia ghotilo re ginauna hata tei baludi nodi glepo mala magra re mala tei magra ke uludi vikemi themi ghotilo naiknodi Israel.