Nonomho Te Keli Teke Risoi Mae Mak 8:2 - Buka Blahi Ka Cheke Holo

² “Iara kokhoni nogudi fara naikno igre, naugna mare la auhi baluda tahati nabagna thilo narane, eghuteuna gognarona mare theo kaisei gano te mala ghamu na.

Nonomho Te Keli Teke Risoi Mae Mak 8:2 Iomraidhean Croise

Ululahu Kings 19:6

Aonu mana kegra haghe ne filoni kaisei bret teke gahu ka thina ngaja, balugna kaisei botol khoꞌu. Mana ghamu nei koꞌu neu. Eghuteuna gnafa teuna, mana neke thuru soru pari.

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Nodi Khoje Hatimare Mae Jiu 145:15

Lord God, gobigna lepo te karha gre filo ari ka iagho, eghuteuna iagho tusu ranghidi gano ka vido te rofo na.

Nodi Khoje Hatimare Mae Jiu 145:8

Lord na thofno keli fara, nei kokhoni ghita eghu. Mana theome ghosei diꞌatagna, naugna nogna namha mana ranghi ghita tahati na thono biꞌo fara.

Profet Maeka 7:19

Lord, ghehati lase nigho iagho te kokhoni ghami ghehati, eghuteuna iagho ginauna atha fadelei nakhibomi ghehati gre mala koko tei fari hotei nhorora.

Matiu 14:14

Kate longa mata na, mae Jisas ne filoni kaisei nakhapru biꞌo. Aonu mana kokhoni nognadi fara ne fakelidi naikno te fogra re.

Matiu 20:34

Mae Jisas ne kokhonidi phei mae te dofu igre. Mana habo ka tathadi phei mae igre, neke ghosei fifilo fapulo. Aonu phiamare ne leghuni mae Jisas.

Matiu 9:36

Kate filodi mae Jisas naiknore, mana ne kokhoni nognadi fara. Naugna mare ne thono nanga nodi fara, nu theo kaisei naikno te toghodi, jateula sipu te theo kaisei naikno te mala reireghidi ra neu.

Nonomho Te Keli Teke Risoi Mae Mak 1:41

Mae Jisas ne kokhoni nognani, ne habo lao ka mana ne cheke eghu, “Uve, iara magnahaghei, ke salhu silagho.”

Nonomho Te Keli Teke Risoi Mae Mak 5:19

Nu mae Jisas ne theome magnahaghei ne cheke eghu ka mana, “Iagho ke pulo ka tharaknamu nei kheramu teure mala ke toutonu ranghidi unha teke eni God ka iagho na, naugna mana neke kokhoni nigho.”

Nonomho Te Keli Teke Risoi Mae Mak 6:32

Mare saghe ka mola na ne tei ka namono te theo naiknogna na.

Nonomho Te Keli Teke Risoi Mae Mak 6:34

Kate longa mae Jisas mata na, mana ne filoni kaisei nakhapru biꞌo ofo neu jare. Mae Jisas ne kokhoni nognadi, naugna mare ne jateula sipu te theo kaisei naikno te reireghidi ra neu. Aonu mana ne funu farirhiudi kmana glepo naba te mala lasedi mare re.

Nonomho Te Keli Teke Risoi Mae Mak 8:3

Eghuteuna jame te kuru teidi iara ka sugadire kate rofo eghu jare teu mare na, mare ginauna na tei fnuda farihotei nabrou, naugna keha naiknore namonodire thei brahu fara.”

Nonomho Te Keli Teke Risoi Mae Mak 9:22

Nu kmana fata na naitu gne koko soruni mana ke lamna khaꞌaghi, nei ke lamna khoꞌu eghu, mala lehe mana. Jame te tangomana iagho na, kokhoni ghami nei togho ghami eghu.”

Luku 15:20

Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.