Nonomho Te Keli Teke Risoi Mae Mak 3:4 - Buka Blahi Ka Cheke Holo

⁴ Mae Jisas ne ghusna eghu ka naiknore, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno na ba mala fadiꞌani naikno? Mala fakarhani naikno na ba lisa laoni mala lehe naikno na?” Nu mare ne theome chekeni kaisei glepo.

Nonomho Te Keli Teke Risoi Mae Mak 3:4 Iomraidhean Croise

Profet Hosia 6:6

Ghotilo fafara buluka ka iara, igne kaisei glepo keli fara, nu iara magnahaghei ghami ghotilo te ghatho tahu ghau iara salaꞌudi fafara buluka te edi ghotilo ra.

Nonomho Te Keli Teke Risoi Mae Mak 3:3

Mae Jisas ne cheke eghu ka mae te lehe khamegna na, “Mei sagho, kegra haghe agne ke ulumi ghehati gnafa.”

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Nonomho Te Keli Teke Risoi Mae Mak 9:34

Mare ne theome cheke tughu ka mana, naugna ka nabrou na mare neke fapholai neke mei fari thedi eigna mae ihei gne nate mae biꞌo ka mare na.

Luku 6:9

Mae Jisas ne ghusna eghu ka hatimare mae Farasi nei mae velepuhigna vetula nogna mae Moses, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno, ba mala fadiꞌani naikno? Mala fakarhani naikno ba lisa laoni mala lehe naikno na?”