Nonomho Te Keli Teke Risoi Mae Mak 3:3 - Buka Blahi Ka Cheke Holo

³ Mae Jisas ne cheke eghu ka mae te lehe khamegna na, “Mei sagho, kegra haghe agne ke ulumi ghehati gnafa.”

Nonomho Te Keli Teke Risoi Mae Mak 3:3 Iomraidhean Croise

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Matiu 12:10

Eghuteuna jare ka suga tharai na au kaisei mae te lehe khamegna na. Eghuteuna mare magnahaghei te fathoethokeni mae Jisas ne mei cheke eghu ka mana, “Ba, vetula na snakre ghita tahati site fakarhani naikno te fogra na ka narane Sabat na?”

Nonomho Te Keli Teke Risoi Mae Mak 3:2

Aonu keha naiknore magnahagheni te fathoethokeni mae Jisas. Mare ne thono filo leghuni mana glahula me fakelini mana mae te lehe khamegna na kau narane Sabat.

Nonomho Te Keli Teke Risoi Mae Mak 3:4

Mae Jisas ne ghusna eghu ka naiknore, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno na ba mala fadiꞌani naikno? Mala fakarhani naikno na ba lisa laoni mala lehe naikno na?” Nu mare ne theome chekeni kaisei glepo.

Luku 6:8

Nu mae Jisas ne lasedi unha te ghathodi hatimare re ne cheke eghu ka mae te lehe khamegna na, “Kegra mei ke uludi naikno igre sagho.” Mana kegra haghe ne mei kegra jare.

Jone 9:4

Kani phae ngau narane gne edi tahati nogna gloku God mae teke kuru mei ghau iara na. Naugna bongi na la namo meihi. Eghuteuna theome tangomana kaisei naikno te loku kate romno na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.