Nonomho Te Keli Teke Risoi Mae Mak 2:1 - Buka Blahi Ka Cheke Holo

¹ Keha narane ke leghugna igne mae Jisas neke pulo Kapanam, naiknore nomhini mana au teu ka nogna suga na.

Nonomho Te Keli Teke Risoi Mae Mak 2:1 Iomraidhean Croise

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Matiu 9:1

Mae Jisas saghe ka mola na, kasa neke pulo ka nogna namono na.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 2:2

Aonu kmana naikno ne khapru mei ka suga na, theo kaisei vido te snagla. Naiknore fodu funu ka grengatha na posa kosi. Eghuteuna kate toutonu mae Jisas chekegna God na ka naiknore,

Nonomho Te Keli Teke Risoi Mae Mak 3:20

Mae Jisas neke pulo mei ka nogna suga na. Ka vido tuana kmana naikno fara ne khapru mei ka mana. Aonu mae Jisas baludi nogna mae fanomhore ne theo kaisei vido narane te snagla te mala ima na.

Nonomho Te Keli Teke Risoi Mae Mak 7:17

Kate jifla kokoni mana nakhapru na, mana tei ne ruma ka suga na. Aonu nogna mae fanomhore ne ghusna ka mana eigna cheke naba igne.

Nonomho Te Keli Teke Risoi Mae Mak 7:24

Ke leghugna igne mae Jisas jifla jare ne tei ka nohi rhegna namono biꞌo Taea. Mana tei ne ruma ka kaisei suga, eghuteuna mana theome magnahaghei kaisei naikno te laseni aheva te au teu mana na. Nu ne eghu ba ngau, mana theome tangomana te poru na.

Nonomho Te Keli Teke Risoi Mae Mak 9:28

Kate tei ruma mae Jisas ka suga na, nogna mae fanomho mana re mei ne ghusna eghu ka mana, “Naugna unha site theome tangomana ghami ghehati te brueni naitu ignea?”

Luku 4:23

Mae Jisas ne cheke eghu ka mare, “Iara laseni, ghotilo ginauna na chekeni ka iara chekegna tifa igne, ‘Ghema dokta, kulu fakeli fapulo nigho themu sagho!’ Eghuteuna ghotilo ginauna na cheke eghula ka iara, ‘Ghehati nomhidihi glepo teke edi iagho Kapanam ra. Eghume, gognaro na jaola ke edi sagho glepo tuare agne ka namonomu themu gne!’ ”

Luku 5:18

Aonu keha naiknore pala ne mei ka sape kaisei mae te blughu. Hatimare fariuriu hatani mana mei lamna suga mala lilisei ke ulugna mae Jisas.

Jone 4:47

Mana ne nomhini mae Jisas teke funugna nohi Judia teke mei Provins Galili na. Aonu mana mei ka mae Jisas ne toreni mana mala tei ka namono Kapanam, mala ke keli fapulo mae thugna te namo lehe na.

Mae Khuru 2:6

Kate nomhini u naogla igne, kmana naiknore ne khapru mei. Mare ne kafe jaglo nodi, naugna naikno te gnafa igre ne sopagna nomhidi nodi cheke thedire.