Matiu 9:3 - Buka Blahi Ka Cheke Holo

³ Keha mae ka hatimare mae velepuhigna vetula nogna mae Moses igre, mare ne cheke eghu fari thedi, “Tore, mae igne te chekeni na ne God thegna eghu! Cheke tuana cheke faparini God!”

Matiu 9:3 Iomraidhean Croise

Levitikas 24:16

Ihei te cheke goigoni ni nanghagna Lord na mala lehe. Neuba mana ne maegna ka ghotilo ba kaisei mae phosa au balumi ghotilo, nu jame te cheke goigoni ni nangha blahi igne na, ghotilo te gnafa na mala fada faleheni mana ka thina.

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Matiu 26:65

Kate nomhini igne, mae pris biꞌo na ne rerheku nogna phoko na, naugna mana diꞌatagna fara. Aonu mana ne eha eghu fabiꞌo, “Tore! Mae igne cheke faparini God! Gognarona tahati theome magnahaghei keha thoutonui eigna mana. Naugna ghotilo nomhinihi themi mana cheke faparini God.

Matiu 7:29

Naugna mana theome nanaba ka nodi farirhiu hatimare mae velepuhigna vetula nogna mae Moses. Nu mana ne farirhiu balu nolaghi.

Nonomho Te Keli Teke Risoi Mae Mak 14:64

Ghotilo la kafe nomhini mana te cheke faparini God. Ba, unha eghu ghotilo gaoghathomi na?” Mare ne kafe cheke eghu, “Mae igne nabagna te lehe!”

Nonomho Te Keli Teke Risoi Mae Mak 3:28

Tutuani fara, te chekeni iara ka ghotilo na. God tangomana te hata fadelei thua nakhibo nei thua nafnata cheke te diꞌa te edi naiknore ranghini God.

Nonomho Te Keli Teke Risoi Mae Mak 3:29

Nu ihei te cheke faparini mae Tharunga te Blahi na, God ginauna na theome hata fadelei nakhibogna mana re, nu nakhibo tuare na au fabrahu ka mana tifa tifa.”

Nonomho Te Keli Teke Risoi Mae Mak 7:21

Naugna glepo te diꞌa igre jifla mei funu lamna ka nagnafagna naikno na: gaoghatho te diꞌa, mhala, blau, falehe naikno, tolaghi pedo,

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”