Matiu 8:9 - Buka Blahi Ka Cheke Holo

⁹ Tutuani fara, iara gne kaisei mae au la mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, ‘Tei sagho,’ mana na tei. Nu te cheke eghu iara ka keha mae ana, ‘Mei sagho agne!’ mana na mei. Nu te cheke eghu iara ka nogu mae gloku na, ‘Eni sagho igne!’ mana na eni tuana.”

Matiu 8:9 Iomraidhean Croise

Nodi Khoje Hatimare Mae Jiu 119:91

Gobigna lepo igre au fabrahu funu tifa ghilei mei posa ka narane gognaro gre leghuni nou cheke iagho na, naugna glepo igre leghuni mei unha teke cheke ranghidi iagho re.

Nodi Khoje Hatimare Mae Jiu 148:8

Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Matiu 8:10

Kate nomhini cheke igne, mae Jisas ne jaglo nogna fara ka mana. Mana figri ne cheke eghu ka naikno teke leghuni mana re, “Icho idomi! Tuani fara, te chekeni iara ka ghotilo na, iara neke theome filodeni kaisei naikno te biꞌo nogna fatutuani na jateula mae igne eghu agne Israel.

Matiu 8:8

Mae funei na ne cheke eghu ka mae Jisas, “Mae biꞌo, iara theome nabagu te mei iagho ka nogu suga na. Nu ka chekemu kolho mala ke keli fapulo nogu mae gloku na.

Nonomho Te Keli Teke Risoi Mae Mak 1:27

Naiknore jaglo nodi fara ne funu cheke eghu fari thedi, “Tore, unha si gnea? Keha nafnata farirhiu majaghani jau? Mae igne cheke faheta fara jateula mae te au nolaghi eghu. Te cheke faheta mana ka naiture, mare faꞌuveni ngala mana!”

Luku 4:39

Mae Jisas ne tei kegra rhegna sape naikno biꞌo na ne cheke faheta ka fogra na. Eghuteuna, fagrutu na ne gnafa ka naꞌa. Aonu naꞌa ghosei ne kegra haghe ne faghedi gano mare.

Luku 7:8

Tutuani fara, iara gne kaisei mae aula mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, “Tei sagho,” mana na tei. Nu te cheke eghu iara ka keha mae ana, “Mei sagho agne!” mana na mei. Nu te cheke eghu iara ka nogu mae gloku na, “Eni sagho igne!” mana na eni tuana.’ ”

Luku 9:1

Mae Jisas ne kilo fodudi nogna nabotho phei mae khurure. Aonu mana ne tusu ranghidi nolaghi te mala fakelidi naikno te fogra, nei nolaghi te mala bruedi naiture.

Kolose 3:22

Ghotilo naikno snekara, leghudi fabrahu nomi funeire ka gobigna lepo te edi ghotilo re. Thosei leghudi kolho kate filo teu ka ghotilo na, mala famaemahedi kolho mare. Nu famane loku ranghidi naugna ghotilo mhaghuni Lord nei magnahaghedi eni unha te keli na.

Taetus 2:9

Chekedi mae sneka are mala nomhidi koba nodi cheke mae funeire. Te eni mare igne na, nodi mae funeire na keli tadi fara. Thosei ke cheke fapulo ba blau ka nodi glepo mae funei dire eghu, mala tangomana nodi mae funeire te au nodi grouronu ka nodi mae snekare. Glepo igre jame teke edi hatimare mae snekare, mala famane falalase ka naiknore u farirhiu te keli eigna God mae Fakarhaida ka gobigna lepo te edi mare re.