Matiu 8:4 - Buka Blahi Ka Cheke Holo

⁴ Aonu mae Jisas ne cheke eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Matiu 8:4 Iomraidhean Croise

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Matiu 16:20

Ke leghugna igne mae Jisas ne cheke farheta ka nogna mae fanomhore mala thosei toutonu ka ihei nga te mana ngala mae Kraes na.

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Matiu 5:17

Mae Jisas ne cheke eghu ka mare, “Na mei iara kau nauthoglu igne mala hata koko nogna vetula mae Moses nei nodi cheke hatimare mae profet gre eghu ghotilo gaoghathomi na. Theo, iara gne mei mala horoghoto nei laseni eghu ghotilo gaoghathogna unha teke chekeni mare ia eghu.

Matiu 6:1

Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Matiu 9:30

Aonu phiamare ghosei neke fifilo fakeli. Nu mae Jisas ne cheke faheta eghu ka phiamare, “Thosei toutonuni igne ka ihei nga ghopa ia!”

Nonomho Te Keli Teke Risoi Mae Mak 13:9

“Fiofilo fakeli ghami ghotilo ia. Naugna naiknore ginauna na hata ghami ghotilo tei ka fate. Mare ginauna na puri ghami ghotilo ke lamna suga tharai. Mare ginauna na huhuru ghami ghotilo mala kegra ke uludi mae funei ba hatimare mae King. Mare ginauna na edi glepo igre ka ghotilo, naugna ghotilo ne leghu ghau iara. Eghuteuna ghotilo ginauna na toutonuni Nonomho te Keli na ka mare.

Nonomho Te Keli Teke Risoi Mae Mak 3:12

Nu mae Jisas cheke faheta fara ka naiture mala thosei cheke thakleni mana mae ihei.

Nonomho Te Keli Teke Risoi Mae Mak 6:11

Eghuteuna ne posa nga ghotilo ka kaisei namono ne theome magnahaghei ghami naiknogna namono tuana ba tirodi fanomho ka chekemi ghotilo re, jifla kokoni namono tuana. Kate jifla ghotilo na, ghiha koko gnagnapa te au ka ghahemi are ke uludi eghu. Igne kaisei fagaglana te mala falalaseni ghotilo ka naiknore God ginauna na fatedi.”

Nonomho Te Keli Teke Risoi Mae Mak 7:36

Mae Jisas ne cheke faheta ka naiknore mala thosei toutonu tafri glepo igne ka ihei nga. Neubane cheke faheta mae Jisas ka mare, mare heta ghedi ne toutonuni ngala.

Nonomho Te Keli Teke Risoi Mae Mak 8:30

Mae Jisas ne cheke faheta ka mare, “Thosei cheke eigu iara ka ihei nga.”

Nonomho Te Keli Teke Risoi Mae Mak 9:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God nake karha fapulo ka glehe. Aonu, ame toutonuni nga ghotilo eghu.”

Luku 17:14

Kate filodi mare na, mae Jisas ne cheke eghu ka mare, “Tei ka mae pris mala fifilo mare ka thinimi are.” Kate jifla te tei mare na, mare neke kafe salhu fapulo!

Luku 21:13

Nu glepo igre thokei mei mala toutonuni ghotilo Nonomho te Keli na ka mare.

Luku 4:41

Naitu teke au ka naikno te kmanare jifla mei ne eha fabiꞌo eghu, “Iagho Thugna God!” Nu mae Jisas ne cheke faheta ka naiture mala thosei cheke, naugna hatimare lasenihi mae Jisas gne ngala mae Kraes na.

Luku 5:14

Aonu mae Jisas ne cheke faheta eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Luku 8:56

Idogna nei kmagna teure ne jaglo nodi fara. Nu mae Jisas ne cheke faheta ranghidi mala thosei toutonu ka ihei nga eigna unha teke eni mana ranghini sua gaꞌase igne.

Luku 9:21

Mae Jisas ne cheke faheta ka mare mala thosei toutonu ka ihei nga eigna igne.

Jone 5:41

“Iara theome hironi u nafnakno na ka naiknogna nauthoglu igne.

Jone 7:18

Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.

Jone 8:50

Iara theome harini nafnaknogu thegu na mala ghatho tahu ghau naiknore. Nu mae Mama magnahaghedi naiknore te mala fafnakno ghau iara na, naugna te chekeni mana na iara kaisei mae thono doglo fara. Eghuteuna God ginauna kafe fate ghami ghotilo.