Matiu 8:3 - Buka Blahi Ka Cheke Holo

³ Aonu mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.

Matiu 8:3 Iomraidhean Croise

Jenesis 1:3

Aonu God ne cheke eghu, “Iara na cheke ranghini naphae na mala phae!” Aonu la meila naphae na.

Fapea Kings 5:11

Nu kate nomhini mae Naman cheke igne, mana ne thono diꞌatagna fara neke funu figri. Eghuteuna mana ne cheke eghu, “Iara jau na jifla mana kosi filo ghau, eghuteuna ngafa mei ke klignadi thubugu iara gre, eghuteuna kiloni nanghagna Lord nogna God na mala fakeli ghau neu sia!

Fapea Kings 5:14

Aonu mae Naman soru ka khoꞌu Jordan igne ne apu fitu fata leghuni unha teke chekeni mae profet Elisa na. Eghuteuna ke leghugna te apu te gnafa mana na, guligna mana na neke keli fapulo, eghuteuna thinigna mana na neke klino jateula guli sua majaghani neu.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Eksodas 4:7

Lord ne cheke eghu ka mana, “Iagho ke nhaꞌa laoi lamna pohe khamemu na.” Aonu Moses nhaꞌa lao khamegna na lamna pohe. Eghuteuna kate hata fajifla mana na, khamegna mana igne neke keli fapulo jateula keha khame na neu.

Matiu 12:13

Aonu, mae Jisas ne cheke eghu ka mae te lehe khamegna na, “Fadodoglo sagho khamemu na!” Kate fariuriu fadodoglo teu mana khamegna na, khamegna mana tuana ghosei neke keli fapulo jateula keha khame na neu.

Nonomho Te Keli Teke Risoi Mae Mak 1:41

Mae Jisas ne kokhoni nognani, ne habo lao ka mana ne cheke eghu, “Uve, iara magnahaghei, ke salhu silagho.”

Nonomho Te Keli Teke Risoi Mae Mak 4:39

Mae Jisas kegra haghe ne cheke faheta eghu kau nuri blahi nei galo teure, “Megeu nei muana eghu!” Nuri na ne snoto, eghuteuna kholo na ne beata fara.

Nonomho Te Keli Teke Risoi Mae Mak 5:41

Mae Jisas loku ka khamegna sua gaꞌase na ne cheke eghu ka naꞌa, “Talita kum!” Gaoghathogna na, “Gaꞌase ikoi, te chekeni iara tamu na, kegra haghe gognaro la!”

Nonomho Te Keli Teke Risoi Mae Mak 7:34

Eghuteuna mae Jisas filo haghe kligna ne phanga fabiꞌo ne cheke eghu, “Efata!” Gaoghathogna na, “Ke thora silagho!”

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Luku 4:27

Aonu ka narane gna mae profet Elisa na kmana naiknodi Israel neke thubu biꞌo, khabru te kiloi leprosi. Nu mae profet Elisa neke theome fakelini kaisei naiknogna Israel. Nu kaisei mae Naman ka kantri Siria ngala teke fakelini mana na.”

Luku 5:13

Mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.

Luku 7:14

Aonu, mana lao ne habo ka glele na. Hatimare mae teke pala re ne kegra snoto. Mae Jisas ne cheke eghu ka masitei na, “Mae majaghani! Te chekeni iara ka iagho na, ‘Ke karha fapulo sagho!’ ”

Jone 11:43

Ke leghugna te cheke eghu igne, mae Jisas ne eha fabiꞌo, “Lasaros, jifla mei!”

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.