Matiu 7:12 - Buka Blahi Ka Cheke Holo

¹² Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Matiu 7:12 Iomraidhean Croise

Profet Esikiel 18:21

“Nu jame kaisei mae te diꞌa figri tagrudi nakhibogna re, eghuteuna leghudi nogu vetula iara re, eghuteuna edi unha glepo te doglo nei keli teure, mana ginauna theome tangomana te lehe na.

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Matiu 5:17

Mae Jisas ne cheke eghu ka mare, “Na mei iara kau nauthoglu igne mala hata koko nogna vetula mae Moses nei nodi cheke hatimare mae profet gre eghu ghotilo gaoghathomi na. Theo, iara gne mei mala horoghoto nei laseni eghu ghotilo gaoghathogna unha teke chekeni mare ia eghu.

Luku 6:31

Unha ghotilo te magnahagheni keha naiknore te eni ranghi ghami na, ghotilo ke enila tuana ranghidi eghu.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Jemes 2:8

Tahati la iu'ijunihi u vetula te thono ulu fara ka grioriso te blahi na igne, “Namhani kheramu fofodu na jateula iagho te namha nigho themu eghu.” Te eni ghotilo igne na, ghotilo thono doglo fara, naugna ghotilo ne leghuni unha te chekeni ka nogna vetula God na.