Matiu 7:1 - Buka Blahi Ka Cheke Holo

¹ Mae Jisas ne cheke eghu, “Thosei fateni ihei, na eghunu ke fate ghami God eghu.

Matiu 7:1 Iomraidhean Croise

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Matiu 7:5

Ghema, iagho thono jafra tutuani fara! Kulu koko ghu sagho najafra biꞌo jateula phugra gaju biꞌo teu ka tathamu themu ana. Aonu, iagho ginauna tangomana te fifilo fakeli te mala fateni mae kheramu fofodu na, te mala toghoni mana te hata koko iagho najafra ikoi jateula nafrungho gaju teu ka tathagna mana na.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Luku 6:41

“Naugna unha sagho te au gaoghathomu ka nakhibo ikoi te eni mae kheramu fofodu na, eghuteuna theome filo glani nakhibo biꞌo au teu ka themu ana ia?

Jone 8:7

Mare magnahaghei keha cheke tughu ka mana ne ghusna fabrahu. Mana gnokro fadoglo haghe ne cheke eghu ka mare, “Mae ihei ka ghotilo te theome eni kaisei najafra na, kulu atha kaisei thina mala fadi faleheni naꞌa.”

Jemes 3:1

Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.