Matiu 5:8 - Buka Blahi Ka Cheke Holo

⁸ Keli tadi iheire te thofno namhani God. Naugna mare ginauna au balugna God.

Matiu 5:8 Iomraidhean Croise

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Fapea Samuel 22:27

“Iagho theome eni kaisei glepo te diꞌa ka iheire te theome eni kaisei glepo te diꞌa. Nu iagho paradi koba iheire te edi puhi te diꞌa.

Nodi Khoje Hatimare Mae Jiu 15:2

Uve, jame ihei ngala te leghudi nei edi teu koba teu gobigna lepo te keli fara ka tathamu iagho na. Nogna chekere mala tutuani nei keli eghu koba,

Nodi Khoje Hatimare Mae Jiu 18:26

Ihei te leghuni puhi te klino na, iagho falalase ka mana puhi themu te klino na. Nu ihei te leghuni puhi te diꞌa na, iagho parani mana ka puhi te diꞌa.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Proveb 22:11

Mae ihei te au klino fabrahu ka tathagna God na, eghuteuna nogna chekere keli fara teuna, mana ginauna mala kheragna funei.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Ululahu Korin 13:12

Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Taetus 1:15

Mae ihei te famane keli u gaoghathogna na ke ulugna God na mana filo glanidi gobigna lepo te kelire. Nu eigna mae ihei te theome keli ke ulugna God nu theome fatutuani ni mae Jisas Kraes teuna, mana theome tangomana te filo glani kaisei glepo te keli na. U nafnata naikno tuana au u gaoghatho te diꞌa nu u glalase eigna God na theome keli kolho ka mana.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.