Matiu 4:9 - Buka Blahi Ka Cheke Holo

⁹ Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Matiu 4:9 Iomraidhean Croise

Nodi Khoje Hatimare Mae Jiu 72:11

Te keli fara na jame hatimare mae king te gnafa igre mei tufru soru ke ulugna mana. Eghuteuna naikno te gnafa ka kantri fateote'o igre mala loku ranghini mana.

Proveb 8:15

Iara toghodi hatimare mae lida mala funei fruni, nei gavman mala lilisei vetula te keli.

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Matiu 26:15

Mae Judas ne cheke eghu ka mare, “Jame te snakre arini iara mae Jisas gne ka ghotilo na, niha sileni nate foli ghau iara ghotilo na?” Mare ne tusu ranghini mae Judas tolufulu sileni.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”