Matiu 4:7 - Buka Blahi Ka Cheke Holo

⁷ Mae Jisas ne cheke eghu ka mana, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Matiu 4:7 Iomraidhean Croise

Nodi Khoje Hatimare Mae Jiu 106:14

Kate au teu mare ka namono nagou na, mare neke rofo fara, aonu mare neke tore gano ka God mala fariuriuni mana.

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.

Nodi Khoje Hatimare Mae Jiu 95:9

Neuba mare ne filodi unha teke edi iara tadire, mare fariuriu mala laseni glaula me namhadi iara ba theo.”

Eksodas 17:2

Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Matiu 21:16

Aonu, mare ne cheke eghu ka mae Jisas, “Ghema, la nomhidi iagho unha te chekedi goro sua igrea?” Mana ne cheke eghu ka mare, “Uve, iara la nomhidihi. Ghotilo la iu'ijunihi grioriso te blahi ia, “ ‘Ghotilo farirhiudi goro sua nei gegeꞌe teure mala kilo fnaknoni mana.’ ”

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Matiu 4:4

Jisas ne cheke eghu ka mae Satan, “Grioriso te blahi ia cheke eghu, ‘Naikno na theome karha ka gano kolho, nu karha ka cheke te gnafa te jifla mei ka God.’ ”

Luku 4:12

Mae Jisas ne cheke eghu ka mae Satan, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Mae Khuru 5:9

Mae Pita ne cheke eghu ka naꞌa, “Faꞌunha ne ghatho deni si ghopa puhi te mala fariuriu chaghini mae Tharunga te Blahi gnea? Filo sagho! Mae majaghani teke tei giugiluni khetomu iagho ia tela mei kegra teu ka grengatha na are. Mare ginauna nake pala fajifla nigho la iagho!”

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Diutronomi 6:16

Ghotilo thosei fariuriuni Lord, nomi God jateula teke eni ghotilo tifa kani au teku ghotilo ka namono Masa ia eghu.

Hibru 3:9

God ne cheke eghu, ‘Iara neke au baludi mae ku'emi ghotilo ra ke lamnagna namono nagou phiatutu finogha. Jare hatimare neke fariuriu ghau iara neuba mare filodi kmana kofubobhoi nei fagaglana eghu teke edi iara re.’