Matiu 4:4 - Buka Blahi Ka Cheke Holo

⁴ Jisas ne cheke eghu ka mae Satan, “Grioriso te blahi ia cheke eghu, ‘Naikno na theome karha ka gano kolho, nu karha ka cheke te gnafa te jifla mei ka God.’ ”

Matiu 4:4 Iomraidhean Croise

Eksodas 16:15

Kate filoni naiknore glepo igne na, mare ne cheke eghu fari thedi, “Tore, unha glepo si ignea?” Mae Moses ne cheke eghu, “Igne ngala u bret teke tusu mei Lord mala ima ghotilo teku mana na.

Eksodas 16:35

Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Matiu 15:11

Unha te nhaꞌa lao ka foflo na theome tangomana te fathonani kaisei mae. Nu unha te chekedi nei ghathodi teu mana ka nagnafagnare te fathonani mana ke ulugna God na.”

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Matiu 4:7

Mae Jisas ne cheke eghu ka mana, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Nonomho Te Keli Teke Risoi Mae Mak 7:20

Aonu mana tudu lao ne cheke eghu phugra cheke igne, “Unha te jifla mei ka naikno na te mala fathonani mana na.

Luku 4:12

Mae Jisas ne cheke eghu ka mae Satan, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Luku 4:4

Mae Jisas ne cheke eghu ka mae Satan, “Grioriso te blahi ia cheke eghu agne, ‘Naikno na theome karha kolho ka gano.’ ”

Luku 4:8

Mae Jisas ne cheke tughu eghu ka mae Satan, “Te chekeni ka grioriso te blahi ia, ‘Iagho pogho soru ranghini Lord nou God, eghuteuna loku ranghini ngala mana.’ ”

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Efesus 6:17

Eghuteuna ghotilo fahaghe kaisei khepi mala magra, igne puhigna God te mala fakarhi ghami ghotilo na. Ghotilo jaola hata nogna naflahi biꞌo mae Tharunga te Blahi na, igne chekegna God na.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.