Matiu 4:12 - Buka Blahi Ka Cheke Holo

¹² Kate nomhini mae Jisas au teu mae Jone kau suga sosolo na, mana jifla Judia neke pulo Galili.

Matiu 4:12 Iomraidhean Croise

Matiu 11:2

Kate au teu ka suga sosolo na, mae Jone Apublahi ne nomhidi unha te edi mae Kraes. Aonu mana ne kurudi keha nogna mae fanomhore ne tei ka mae Jisas.

Matiu 14:3

Filo si ghotilo, tifa na mae Filip tahigna mae Herod neke tolaghi ka Herodias. Mae Herod magnahagheni Herodias neke tolaghi ka naꞌa. Aonu mae Jone Apublahi ne cheke fabrahu ka mae Herod. Mae Jone neke eni igne ka mana naugna thono blahi fara ka nodi vetula mae Jiu te tolaghi ka khetogna mae tahigna na kate karha nga teu mana na. Herodias ne diꞌatagna fara ka mae Jone, ne magnahaghei koko laoni mae Jone ka suga sosolo. Aonu mae Herod hatani mae Jone ne koko laoni mana ka suga sosolo. Mana magnahaghei te faleheni mae Jone, nu mana mhaghu te faleheni mae Jone na, naugna hatimare mae Jiu laseni mae Jone gne kaisei nogna mae profet God.

Nonomho Te Keli Teke Risoi Mae Mak 1:14

Ke leghugna te lilisei mare mae Jone Apublahi kau suga sosolo na, mae Jisas tei Galili ne toutonuni Nonomho te Keli nogna God.

Nonomho Te Keli Teke Risoi Mae Mak 6:17

Mae Herod gne ngala teke chekedi mae soldiare teke lokini mae Jone teke haruni mana kau chen teke liliseini mana ke lamna suga sosolo na. Mae Herod neke eni igne mala keli tagna Herodias, khetogna na. Tifa na Herodias gne neke khetogna mae Filip, thabusigna mae Herod nu mae Herod hata Herodias ne tolaghi ka naꞌa.

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Luku 3:20

Aonu ke leghugna igne, kaisei glepo te diꞌa tulao fara teke eni mae Herod na, mana ne fasosoloni mae Jone.

Luku 4:14

Ke leghugna igne mae Jisas neke pulo Galili, balugna u nogna nolaghi Tharunga te Blahi na. Eghuteuna, u nonomho eigna mae Jisas na ne tei tongana ka nohi te gnafa ke lamnagna provins tuana.

Luku 4:31

Mae Jisas neke tei Kapanam, kaisei namono biꞌo ka Provins Galili. Leuleghu narane Sabat na mae Jisas ne farirhiudi naiknore.

Jone 1:43

Ka keha narane na, mae Jisas neke magnahaghe tei ka Provins Galili. Kate posa ka namono na, mana thafoni mae Filip ne cheke eghu ka mana, “Ghema Filip, mei leghu ghau iara.”

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Jone 3:24

Ka narane igne mae Jone Apublahi theome au ngau ka suga sosolo.

Jone 4:43

Mae Jisas ne au phei narane Samaria, ke leghugna igne mana jifla baludi nogna mae fanomhore ne tei ka Provins Galili.

Jone 4:54

Igne fapea kofubobhoi teke eni mae Jisas Galili ke leghugna teke pulo mei funugna Judia na.