Matiu 4:10 - Buka Blahi Ka Cheke Holo

¹⁰ Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Matiu 4:10 Iomraidhean Croise

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Thoutonu Eigna Mae Job 1:12

Lord ne cheke eghu ka Satan, “Uve, gobigna lepo te au ka mae Job igre, ka khamemu iagho gognarona. Eghume iagho tangomana te eni unha te magnahagheni iagho ka gobigna lepo te khotodi mana re. Nu iagho thosei eni kaisei glepo ka mana.” Aonu Satan jifla ne tei.

Thoutonu Eigna Mae Job 1:6

Kaisei narane, kate mei maedi kligna re te kegra ke ulugna Lord na, Satan jaola ne mei kegra ka vido igne baludi mare.

Thoutonu Eigna Mae Job 2:1

Kaisei narane, maedi kligna re mei ne kegra ke ulugna Lord, Satan jaola ne mei baludi mare.

Nodi Khoje Hatimare Mae Jiu 109:6

“Tahati na vahini kaisei mae te diꞌa mala cheke fadiꞌani mae igne, eghuteuna snakreni kaisei mae mala fateni mana eghu.

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”

Matiu 16:23

Mae Jisas figri ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”

Nonomho Te Keli Teke Risoi Mae Mak 1:13

Aonu, mana ne au thegna jare phiatutu narane. Eghuteuna ka vido tuana bosu mata re langau eghu te au jare na. Mae Satan mei ne fariuriuni mana, nu engel re mei ne toghoni mana.

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Luku 11:18

Eghume jame mae Satan nei nogna naiknore magra fari thedi meuna, mare na theome au raugha. Tuana ngala leghu lahu gna mae Satan. Iara chekeni igne naugna ghotilo te chekeni na ne bruedi iara naiture ka nogna nolaghi mae Satan eghu.

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”

Luku 22:3

Kaisei mae ka hatimare nabotho phei nogna mae fanomho mae Jisas igre nanghagna mae Judas Iskariot. Mae Satan ne au ka mae Judas.

Luku 22:31

Mae Jisas ne cheke eghu, “Ghema Simon, God ginauna na snakreni mae Satan mala fariuriu ghami ghotilo gnafa mala laseni mae ihei te maku nogna fatutuani na ka ghotilo.

Luku 4:8

Mae Jisas ne cheke tughu eghu ka mae Satan, “Te chekeni ka grioriso te blahi ia, ‘Iagho pogho soru ranghini Lord nou God, eghuteuna loku ranghini ngala mana.’ ”

Jone 13:27

Theome raugha kate hata mae Judas bret na, Satan ghosei ne ruma haghe ka thiꞌagna mae Judas na ne fadiꞌani nagnafagna mana na. Aonu mae Jisas ne cheke eghu ka mae Judas, “Faghose tei eni glepo teke ghathoni iagho na.”

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Ululahu Korin 5:5

Ka narane te salo fodu tuana, tahati lisa laoni mana ka khamegna mae Satan mala roꞌeni thinigna mana na. Ka puhi igne God ginauna tangomana te fakarhini tharunga gna mana na ka narane gna noda Lord na.

Ululahu Korin 7:5

Nu repa jame kaisei nodi gaoghatho mala thosei thuru fodu katha vido, mala tangomana repa te snagla te mala tharai na. Nu ke leghu na repa ginauna funu thuru fodu nodi. Nu kaisei ka repa thosei thodo te snakreni thinigna na ka keha ikno na mala thuru balugna eghu. Te theo na mae Satan tangomana te fariuriuni kaisei ka repa te theome tangomana te nheta na.

Fapea Korin 11:14

Puhi igre theome mala jaglodi tahati. Eigna mae Satan jaola neke fariuriu mala jateu kaisei engel nogna God eghu.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Jemes 4:7

Eghume, iara magnahaghei ghami ghotilo te leghuni koba unha te chekeni God na, thosei leghuni unha te chekeni mae Satan na. Aonu, mae Satan ginauna na rikha koko ghami ghotilo.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Ululahu Pita 5:9

Eghume kegra maku ka nomi fatutuani na mala tangomana ghotilo te theome eni unha te magnahagheni mae Satan na. Naugna ghotilo lasedi thabusimi nei greghami teu te fatutuani ni mae Kraes heva heva ka nauthoglu gne jaola thafodi nafnata naꞌau papara te thoke ghami ghotilo gre.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”