Matiu 3:5 - Buka Blahi Ka Cheke Holo

⁵ Kmana naikno ne tei fanomho ka mae Jone. Mare mei funudi Jerusalem, nei ka namono te gnafa ka Provins Judia, nei ka namono te falithuini Kho'u Jordan.

Matiu 3:5 Iomraidhean Croise

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Matiu 4:25

Kmana naikno mei funudi ka Provins Galili, nohi Dikapolis, ka namono biꞌo Jerusalem, ka Provins Judia nei ka keha phile Kho'u Jordan ne tei leghuni mae Jisas.

Nonomho Te Keli Teke Risoi Mae Mak 1:5

Ka narane tuana, kmana naiknodi Jerusalem nei naiknodi ka keha namono ka Provins Judia eghu ne mei fanomho ka mana. Mare ne mei cheke thakledi nakhibodire ka mae Jone ne apublahi ka mana ka Kho'u Jordan.

Luku 16:16

Mae Jisas ne cheke eghu, “Tifa na naiknore neke leghuni nogna vetula mae Moses na nei chekedi hatimare mae profet. Nu funu ka mae Jone Apublahi na, mare neke toutonuni u Nonomho te Keli eigna God te funei frunidi nogna naiknore. Naugna naiknore nomhini igne, mare fariuriu fara mala ruma kau nakarha igne.

Luku 3:3

Mae Jone neke tei tongana ke lamnadi namono te au faligohoni Kho'u Jordan na ne toutonu ka naiknore. Mana ne cheke eghu, “Ghotilo lilisei puhimi te diꞌare, nu mala apublahi eghu, eghuteuna God ginauna hata fadeleidi nakhibomi ghotilo re.”

Luku 3:7

Kmana naikno fara ne mei ka mae Jone mala apublahi. Mae Jone ne cheke eghu ka naikno te mei apublahi re, “Ghotilo jateula pholi eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna mala rikhani teu diꞌatagna God tela namo meihi na?

Jone 3:23

Ka narane tuare mae Jone ne faꞌapublahi naiknore ka namono Aenon rhegna Salim, naugna jare na au khoꞌu. Kmana naikno ne tei jare mala apublahi ka mana.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.