Matiu 3:4 - Buka Blahi Ka Cheke Holo

⁴ Pohe te pipichi mae Jone na neke horo ka khakla kamel, eghuteuna glepo te hugha mana ka sorogna na guli buluka. Gano te ghamu mana re khupo nei u jujurukuli.

Matiu 3:4 Iomraidhean Croise

Fapea Kings 1:8

Mare ne cheke eghu, “Mae igne pipichi ka pohe teke horo ka khakla kamel, eghuteuna hugha ka glepo teke horo ka guli buluka.” Eghuteuna king ne cheke eghu, “Elija gne kaisei maegna Tisbe!”

Profet Isaia 20:2

Nu kate theome thoke mei nga teu puhi igne na, Lord neke cheke eghu ka iara, “Isaia, thugna mae Emos, iagho koko pohe thona te pipichi iagho tuana baludi sadol te fahaghe iagho are, fagaglana gna nou diꞌanagnafa na, eghuteuna iagho mala soesole tei kolho.” Eghume iara leghuni kolho unha te chekeni Lord ka iara igne.

Profet Sekaraea 13:4

“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna.

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Matiu 11:18

Naugna Jone neke mei ghamu nei koꞌu neku, eghuteuna naiknore cheke eghu, ‘Mae igne au kaisei naitu ke lamnagna signe.’

Matiu 11:8

Ba, neke tei filo unha? Filoni kaisei mae te pipichi famane pohe? Theo! Ihei te pipichi nafnata pohe tuare au ka nogna suga mae funei.

Nonomho Te Keli Teke Risoi Mae Mak 1:6

Mae Jone neke pipichi ka pohe teke hohoro kau khakla kamel, eghuteuna nogna nhugha na guli buluka. Eghuteuna gano te ghamu mana re khupo nei jujurukuli.

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Diutronomi 32:13

Mana hata mei ghami ghotilo ke lamna kmana thogele ka namono Kenan. Mana tusu ari kmana famane gano ka nagare ghotilo re. Mana neke togho ghami ghotilo mala au ghemi kmana jurukuli te jifla mei ke lamna goro thina. Mana neke fablahi ghami ghotilo baludi famane gaju oliv te kotu ka glose aheva teke theome naba te mala tobi nagare ghotilo.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”