Matiu 3:2 - Buka Blahi Ka Cheke Holo

² Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Matiu 3:2 Iomraidhean Croise

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Thoutonu Eigna Mae Job 39:12

Ba, iagho ronuni naꞌa nate hata gano ka nou nagare iagho na, eghuteuna hata mei ka vido te mala koko khunedi wit re? Theo!

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Matiu 10:7

Kate tei ghotilo na, cheke eghu ka mare, ‘Narane God te funei frunidi nogna naiknore la namo meihi!’

Matiu 11:20

Ke leghugna igne, mae Jisas ne funu cheke faparidi namono aheva te edi mana nogna kofubobhoi te kmanare, naugna naiknodi namono tuare theome tughu nagnafa eidi nakhibodire.

Matiu 12:41

Jaola ka narane God nate fatedi naikno te gnafare, naiknodi Ninive igre ginauna kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna ka narane teke toutonu mae Jona na mare neke tughu nagnafa! Eghuteuna te chekeni iara ka ghotilo na, kaisei mae te biꞌo uluni fara mae Jona na auhi agne!

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 13:24

Mae Jisas ne toutonu ranghidi naiknore keha cheke naba. Mana ne cheke eghu, “Narane God te funei frunidi nogna naiknore jateula kaisei mae te joꞌu sisi te keli te kiloi wit ka nagare naia eghu.

Matiu 13:31

Mae Jisas ne toutonu ranghidi keha cheke naba na. Mana ne cheke eghu, “Narane God te funei frunidi nogna naiknore jateula sisi gaju mastad ia eghu. Kaisei mae neke joꞌu sisi kau nagare na.

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Matiu 13:47

“Jaola, kate funei frunidi God nogna naiknore jateula mae te ugra sasa ka fangna ia eghu. Kmana nafnata sasa khale ka fangna tuana.

Matiu 13:52

Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Matiu 18:23

“Gaoghathogna te hata fadelei nakhibore teu igne jateula te filoni iagho ka cheke naba eigna God te funei frunidi nogna naiknore. Kaisei fata, kaisei mae funei magnahaghei teke efradi nodi kaoni mae nogna glokure.

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Matiu 22:2

“Nafnata puhi God te funei frunidi nogna naiknore igne jateula te eni ka thoutonu igne eghu. Uve, kaisei mae funei neke tarabana kaisei gaghamu biꞌo mala tholaghi mae thugna na.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Matiu 25:1

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore igne jateula cheke nabadi nabotho gaꞌase te mala loku sisi ka tholaghi ia eghu. Uve, nabotho gaꞌase igre neke tei ofoni mae mala tolaghi na. Rehati ne hata nodi jutare baludi.

Matiu 25:14

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore jateula cheke naba di thilo mae gloku igre eghu. Kaisei fata, kaisei mae funei tarabana mala jifla ka namono na mala tei ka keha namono delei. Ame jifla nga teuna, mana ne cheke ka nogna mae glokure. Mana ne cheke ka mare mala reireghidi nogna gobigna lepore kate tei mana na.

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 5:10

Keli tadi iheire te au papara eigna te eni unha te magnahagheni God na. Naugna God ginauna funei frunidi nafnata naikno igre.

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.

Matiu 6:10

Ghehati magnahaghe nigho te mei funei fruni ghami, nei snakre meini unha te magnahagheni iagho agne pari jateula ngau kligna.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Nonomho Te Keli Teke Risoi Mae Mak 1:15

Mana ne cheke eghu, “Thofno narane teke vahini God na la thokei meihi gognarona, eghuteuna narane God nate funei frunidi nogna naiknore la namo meihi. Eghume lilisei puhi te diꞌare nei fatutuani ni ngala Nonomho te Keli gne!”

Nonomho Te Keli Teke Risoi Mae Mak 1:4

Aonu, mae Jone ne jifla mei ka namono nagou na ne funu faꞌapublahidi naiknore ne toutonu eghu, “Ghotilo lilisei puhimi te diꞌare, nu mala apublahi eghu, eghuteuna God ginauna hata fadeleidi nakhibomi ghotilo re.”

Nonomho Te Keli Teke Risoi Mae Mak 6:12

Mae fanomhore jifla ne tei toutonu ka naiknore ne cheke eghu, “Ghotilo gnafa lilisei puhimi te diꞌare.”

Luku 1:16

Mana ginauna nake hata fafigri kmana naiknodi Israel ka nodi Lord God na.

Luku 11:20

Nu te loku iara ka nogna nolaghi God te brue fajifladi naiture, igne ngala fagaglana gna nogna narane God te funei frunidi nogna naiknore la meihi ka ghotilo teuna.

Luku 13:3

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.

Luku 13:5

Theo! Nu te chekeni iara ka ghotilo na, te theome koko ghotilo puhimi te diꞌare teke figri ka God na, ghotilo te gnafa na ginauna kafe lehe jateula mare eghu.”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Luku 15:7

Te chekeni iara na, jateula tuana eghu kligna na, naugna God nei hatimare mae engel kligna re ginauna na gleale'a ka mae ihei te hogri nagnafa na. Uve, nodi gleale'a mare balugna mana na ginauna uludi teke gleale'a fara mare baludi nhevasalei nheva naikno te keli te theome filo glanini gaoghathogna te mala hogri nagnafa na.”

Luku 16:30

“Mae te dedei na ne cheke eghu, ‘Theo, Mama Ebraham! Jame keha mae ka mae te kegra fapulo ra tei ka mare mala thofno hogri nagnafaghu ngala!’

Luku 21:31

Jateula tuana eghu, kate filodi ghotilo gobigna lepo te edi igre, ghotilo ginauna laseni narane God te funei frunidi nogna naiknore la namo meihi.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Luku 6:20

Mae Jisas filo ka nogna mae fanomhore ne cheke eghu ka mare. “Ghotilo te kuma ra, ghotilo tangomana te gleale'a na. Naugna ghotilo la auhi baludi naikno te funei frunidi God re.

Luku 9:2

Mae Jisas ne kuru fajifladi mae khuru re mala tei toutonuni mare nakarha te funei frunini God na, nei mala fakarhidi iheire te fogra.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Fapea Korin 7:10

Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Fapea Pita 3:9

Keha naiknore ka gaoghathodire ne cheke eghu agne, “Tore, noda Lord gne theome leghuni kolho nogna nhaꞌa cheke na!” Nu Lord na theome jateula tuana eghu, naugna mana theome magnahagheni kaisei naikno te au ka glehe fei tifa na, nu mana magnahaghedi naikno te gnafa te mala tughu nagnafa mala ke figri mei ka mana. Eghume mana sasaꞌa te ofo ghami teu ghotilo na.

Thakle 2:21

Iara neke lilisei ranghini naꞌa narane mala tughu nagnafa na, nu naꞌa ne tirogna kolho.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.