Matiu 26:8 - Buka Blahi Ka Cheke Holo

^8-9 Aonu nogna mae fanomho mana re filoni te eni naꞌa igne ne diꞌa tadi fara. Mare ne cheke eghu, “Tore! Jojokei kolho si naꞌa sedi te siri keligna tuana! Sedi tuana jame foli mala hata sileni biꞌo mala tufa nodi naikno te kumare.”

Matiu 26:8 Iomraidhean Croise

Eksodas 5:17

Nu king na ne cheke eghu ka mare, “Ghotilo naikno thodo! Ghotilo thodo loku kolho! Naugna igne te mei tore eghu ghotilo ka iara gne, ‘Iagho snakre ghami ghehati mala tei fafara ka Lord.’

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Profet Emos 8:5

Leuleghu fata na ghotilo cheke eghu, “Niha nau gnafa nga Narane gaghamu biꞌogna Khafa gnea, mala sabiri tahati noda wit gre? Te keli na narane Sabat gne jame nabagna na ghosei gnafa, mala tangomana tahati te sabiri noda gobigna lepo gre. Eghuteuna tahati ginauna tugha haghe noda praes na eghuteuna tahati famamhaku skel gre mala chaghidi iheire te foli ka tahati gre.

Profet Malakai 1:13

Ghotilo cheke eghu koba, ‘Ghehati hongo ghami kate edi koba glepo igre!’ Uve, nafnata cheke te eni ghotilo igne jateula te kmisu mei ka tathagu nei foflogu teu iara gre eghu. Leuleghu fata na ghotilo atha mei koba ka iara buluka teke blau, te lehe gahedi, te au fogra tadi teu igre mala fafara ka iara. Ba? Ne magnahaghedi iara nafnata fafara tuare neu si ghotilo ia? Thono theo fara!

Matiu 20:24

Keha nabotho mae fanomhore nomhini igne ne diꞌa tadi fara ka phia mae thabusigna igre.

Matiu 26:7

Kate au teu mae Jisas jare na, kaisei gaꞌase ne mei ka mana. Naꞌa au kaisei famane botol sedi te sisiri keligna te biꞌo fara sileni gna na. Kate ima teu mae Jisas na, naꞌa toatofa sedi igne ka pha'ugna mae Jisas.

Nonomho Te Keli Teke Risoi Mae Mak 14:4

Nu kate filoni igne keha naiknore diꞌa tadi fara ne cheke eghu fari thedi, “Tore, ne faꞌunha si naꞌa te chochoghei famane sedi gnea?