Matiu 26:7 - Buka Blahi Ka Cheke Holo

⁷ Kate au teu mae Jisas jare na, kaisei gaꞌase ne mei ka mana. Naꞌa au kaisei famane botol sedi te sisiri keligna te biꞌo fara sileni gna na. Kate ima teu mae Jisas na, naꞌa toatofa sedi igne ka pha'ugna mae Jisas.

Matiu 26:7 Iomraidhean Croise

Fapea Kings 9:1

Kaisei narane, profet Elisa ne kilo meini kaisei mae profet majaghani, ne cheke eghu ka mana, “Iagho tarabana mala tei Ramot-Gilead. Eghuteuna iagho hata botol oliv oel igne.

Nodi Khoje Hatimare Mae Jiu 133:2

Nafnata puhi te au fodu igne thofno keli fara, jateula teke eni mare kani teke taofini mae Eron ia eghu. Mare neke tofa oel te siri keligna na ka phaꞌugna mana na, eghuteuna oro me soru ka gremohogna nei pohegna teku mana ra.

Eklesiasti 10:1

Gilo te ruma te lehe ka botol sedi te siri keligna na ginauna siri diꞌagna. Jateula tuana eghu, kakatha puhi fameomekro kolho nate goigonini gaoghatho te keli na.

Eklesiasti 9:8

Leuleghu fata na iagho pipichi ka pohe te keli, nei ghiha oel ka khaklamu na mala famane filomu na.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Profet Isaia 57:9

Leuleghu fata na ghotilo ghiha oel te famane siri keligna ka thinimi re mala tei tarai ka god Molek. Ghotilo kurudi nomi mae glokure mala tei ka keha kantri te khaba delei mala hiro mumuju god mala tarai tadi. Neubane ka Beku mare jaola tei hiro mei tagna.

Matiu 26:8

Aonu nogna mae fanomho mana re filoni te eni naꞌa igne ne diꞌa tadi fara. Mare ne cheke eghu, “Tore! Jojokei kolho si naꞌa sedi te siri keligna tuana! Sedi tuana jame foli mala hata sileni biꞌo mala tufa nodi naikno te kumare.”

Nonomho Te Keli Teke Risoi Mae Mak 14:3

Ka narane tuana mae Jisas au neu Betani ka sugagna mae Simon, mae ihei teke thubu biꞌo tifa ka khabru te kiloni leprosi. Aonu, kate ghamu teu mare na, kaisei naikno biꞌo hata ne mei kaisei botol sedi te famane sisiri keligna nei biꞌo fara sileni gna na. Naikno biꞌo na tothora botol na ne toatofa ka pha'ugna mae Jisas na.

Luku 7:46

Iagho theome dadalu pha'ugu iara na ka sedi, eghuteuna naꞌa ne dadalu ghahegu iara re kau kholo te sisiri keligna igne.