Matiu 26:51 - Buka Blahi Ka Cheke Holo

⁵¹ Kate mei mare te lokini mae Jisas na, kaisei mae ka nogna fanomho Jisas igre korho fajifla naflahi na ne aꞌaknu nogna gloku mae pris ulu na ne kusu koko khuli gna na.

Matiu 26:51 Iomraidhean Croise

Matiu 26:35

Nu mae Pita ne cheke eghu ka mana, “Iara na theome chaghi nigho! Iara ginauna mala lehe balumu iagho.” Eghuteuna keha mae fanomhore jaola ne cheke eghu ka mae Jisas.

Nonomho Te Keli Teke Risoi Mae Mak 14:47

Kaisei mae ka hatimare mae fanomho teke kegra tekeu rhedi mare na, mana hata naflahi na ne kusu khuligna nogna mae gloku mae pris biꞌo na.

Luku 9:55

Nu mae Jisas ne figri ne diꞌatagna ka nodi cheke phiamare na.

Jone 18:36

Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.