Matiu 26:5 - Buka Blahi Ka Cheke Holo

⁵ Mare kaisei gaoghatho ne cheke eghu, “Tahati na theome eni igne ke lamnagna gaghamu na. Na glahu diꞌa tadi fara ka tahati naiknore na fufunu kaisei magra biꞌo.”

Matiu 26:5 Iomraidhean Croise

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Matiu 21:26

Nu jame cheke eghu tahati, ‘Naikno kolho teke tusu lao nolaghi ka mae Jone’, naiknore ginauna diꞌa tadi ka tahati naugna mare kafe fatutuani mae Jone na kaisei mae profet.”

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Nonomho Te Keli Teke Risoi Mae Mak 14:12

Narane ululahu Gaghamu gna Bret te Theo Isi gna na, ka narane tuana la mae Jiu gre ne falelehe sua sipu te mala ghamu ka Gaghamu Ghasa-Polho na. Aonu nogna mae fanomho mae Jisas gre ne ghusna eghu ka mana, “Ba, ka vido aheva iagho te magnahaghei ghami ghehati te mala tei tarabana Gaghamu Ghasa-Polho malamu iagho naia?”

Nonomho Te Keli Teke Risoi Mae Mak 14:2

Hatimare ne cheke eghu, “Tahati theome tangomana te lokini mana kau narane Gaghamu gre, na eghunu magra biꞌo naikno gre eghu.”

Nonomho Te Keli Teke Risoi Mae Mak 14:27

Aonu, mae Jisas ne cheke eghu ka nogna mae fanomhore, “Ghotilo ginauna na kafe rikha koko ghau iara. Igne unha teke chekeni God ka grioriso te blahi na, “ ‘Iara ginauna faleheni mae greireghi sipu na, eghuteuna tothoghei sipu na ginauna kafe rikiraka tafri.’

Luku 20:6

Nu jame ‘Naikno kolho teke tusu lao nolaghi na ka mae Jone’, teu tahati na, naikno te gnafare ginauna fada falehe ghita ka thina, naugna mare fatutuani ni mae Jone gne kaisei nogna mae profet God.”

Luku 22:7

Narane gna Bret te Theo Isi gna igne ne thokei mei. Igne narane te mala falelehe sipu te fafara malagna Gaghamu Ghasa-Polho na.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Mae Khuru 19:29

Aonu magra tuana ghosei ne tei posa ka namono biꞌo na. Aonu naiknore lokidi mae Gaeasi ghe mae Aristakas, phei maedi ka Provins Masidonia teke tei tei balugna mae Pol. Mare ghosei ne korho ne tei ka vido te mala khapru na.

Mae Khuru 21:38

Iara jau iagho maemu Ijep teke ei puhi ranghini gavman gna Israel tifa ia neu sia. Mana neke batudi fati thogha mae te diꞌa puhidire neke tei balugna ka namono nagou na.”

Mae Khuru 4:28

Iagho la kulu ghathonihi unha te mala eni na, naugna iagho au nolaghi biꞌo. Eghuteuna naikno igre ne fathokeni ngala nou gaoghatho iagho na, ne horoghoto fara ka unha teke magnahagheni iagho na.